सुर्खेत असार १५ गते ।
पूर्व–पश्चिम जोड्ने राष्ट्रिय गौरवको मदन भण्डारी राजमार्गको सुर्खेत पश्चिमको निर्माण कार्यमा ढिलाइ भएको छ । बारम्बार भइरहने विवादका कारण यो खण्डको काममा ढिलाइ भइरहेको छ । पश्चिम खण्डमा भएको निर्माणमा अवरोध सिर्जना भएपछि निर्माण कार्यले तीव्रता पाउन सकेको छैन । एकपछि अर्को विवादले काममा अवरोध हुने गरेको हो ।
पश्चिम खण्डको विद्यापुरदेखि बल्देसम्मको खण्डको म्याद २०८२ फागुन १६ गतेसम्म तोकिएको छ भने बल्देदेखि लगामसम्मको म्याद २०८४ भदौ १३ गतेसम्म राखिएको छ । परियोजनाको प्रारम्भिक बजेट १ अर्ब २१ करोड तोकिएको छ । यस्तै, पूर्वी खण्डको १ अर्ब ३६ करोड बजेट रहेको छ ।
पूर्व खण्डको निर्माण २०७८ सम्म सकिनुपर्ने थियो तर तोकिएको समयमा काम पूरा नभएकाले फेरि म्याद थप गर्दै भदौ मसान्तसम्म लम्ब्याइएको छ । यसमा हालसम्म १ अर्ब ३ करोड खर्च भइसकेको छ ।
Discussion about this post