सवारी दुर्घटनामा तीन जनाको मृत्यु

काठमाडौं असार ३१ गते ।
पछिल्लो २४ घण्टामा देशका विभिन्न स्थानमा भएका सवारी दुर्घटनामा कम्तीमा ३ जनाको मृत्यु भएको नेपाल प्रहरीले जानकारी दिएको छ ।

रुपन्देही, लुम्बिनी सांस्कृतिक नगरपालिका–७ शिवगढिया चोकस्थित सडकमा लुम्बिनी बिकास कोषको १२ नम्बरको गेटबाट लोखडियातर्फ जाँदै गरेको यूपी ५० सिएस १७७० नम्बरको मोटरसाइकल अनियन्त्रित भई सोमबार राति दुर्घटना हुँदा चालक भारत अजमगढ बस्ने ४० वर्षीय फिरोज अहमदको मृत्यु भएको छ । दुर्घटनामा गम्भीर घाइते भएका उनको भीम अस्पताल भैरहवा उपचारको क्रममा मृत्यु भएको हो ।

दाङ, घोराही उपमहानगरपालिका–४ सिस्ने खोला पुलस्थित सडकमा रामपुरबाट घोराहीतर्फ आउँदै गरेको रा.७ प ३२७० नम्बरको मोटरसाइकल अनियन्त्रित भई सोमबार बेलुकी दुर्घटना हुँदा मोटरसाइकलमा सवार २ जनाको मृत्यु भएको छ । मृत्यु हुनेहरूमा सोही उपमहानगरपालिका–१७ भैँसाही डेरा गरी बस्ने गढवा गाउँपालिका–८ घर भएका १८ वर्षीय रोहित विक र १६ वर्षीय निशान विक रहेका छन् । दुर्घटनामा गम्भीर घाइते भएका उनीहरूको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो ।

नवलपरासी पूर्व, कावासोती नगरपालिका–१४ क्षेत्रवासस्थित सडकमा गोछाडाबाट थारूडण्डातर्फ आउँदै गरेको ग.२ च ८४९३ नम्बरको बोलेरोबाट खसेर बोलेरोमा सवार सोही नगरपालिका–१४ थारूडण्डा बस्ने रौतहट घर भएका २० वर्षीय सबिन्द्र पासवानको सोमबार राति मृत्यु भएको छ । दुर्घटनामा गम्भीर घाइते भएका उनको चितवन मेडिकल कलेज भरतपुरमा थप उपचारको क्रममा मृत्यु भएको हो । बोलेरो चालकलाई प्रहरीले नियन्त्रणमा लिएको छ ।