काठमाडौं मंसिर २७ गते ।
जनता समाजवादी पार्टी (जसपा) नेपालले जिल्लास्तरीय विरोधसभा गर्न लागेको छ । पार्टीले २८ बुँदे मुख्य माग अघि सार्दै संघर्षका विभिन्न कार्यक्रम गर्दै आएको छ ।
जसपा नेपालले शनिबार (मंसिर २७)देखि आउँदो पुस ४ गतेसम्म जिल्लास्तरीय विरोधसभा गर्न लागेको प्रचारप्रसार तथा प्रकाशन विभाग प्रमुख पूर्ण बस्नेतले जानकारी दिए ।
यस्तै, पार्टीले पुस १२ गतेदेखि प्रदेशस्तरीय प्रदर्शन एवं विरोधसभाको कार्यक्रम तय गरेको छ ।
जसपा नेपालले संविधान संशोधन, निर्वाचन क्षेत्र पुनर्निधारण, जनताद्वारा प्रत्यक्ष निर्वाचित कार्यकारी राष्ट्रपति प्रणाली, समानुपातिक समावेशी प्रतिनिधित्व हुने संसद्को व्यवस्थालगायत माग र मुद्दा अघि सारेको बस्नेतले जानकारी दिए ।
ADVERTISEMENT
Discussion about this post