बाँके फागुन १७ गते ।
बाँकेका विभिन्न स्थानबाट प्रहरीले अवैध लागूऔषध ब्राउनसुगरसहित ६ जनालाई पक्राउ गरेको छ।
इलाका प्रहरी कार्यालय कोहलपुर र लागूऔषध नियन्त्रण ब्यूरो शाखा कार्यालय नेपालगन्जबाट खटिएको टोलीले कोहलपुर नगरपालिका–८ पिपिरीबाट २७ वर्षीय मान बहादुर केसीलाई १ ग्राम ४ सय ८० मिलिग्राम ब्राउनसुगरसहित पक्राउ गरेको हो।
त्यसैगरी, सोही टोलीले कोहलपुर नगरपालिका–९ झण्डहवा गाउँबाट २२ वर्षीय सुवास थारूलाई ६ सय मिलिग्राम ब्राउनसुगरसहित नियन्त्रणमा लिएको प्रहरीले जनाएको छ।
यसैक्रममा जिल्ला प्रहरी कार्यालय बाँके र प्रहरी बिट राँझाबाट खटिएको टोलीले नेपालगन्ज उपमहानगरपालिका–२० ज्ञानपुरबाट ३६ वर्षीय धनिराम कुर्मी समेत ३ जनालाई १ ग्राम २ सय ९० मिलिग्राम ब्राउनसुगरसहित पक्राउ गरेको छ।
पक्राउ परेकामाथि सम्बन्धित प्रहरी कार्यालयबाट थप अनुसन्धान भइरहेको बाँके प्रहरीले जनाएको छ।
Discussion about this post