बाँके वैशाख १२ गते ।
नेपालगञ्ज उपमहानगरपालिकाले नगर क्षेत्रभित्र बढ्दो छाडा पशुचौपायाको समस्या समाधान गर्न नियन्त्रण तथा व्यवस्थापन अभियानलाई तीव्र बनाएको छ। सडकमा यस्ता पशुचौपायाको संख्या बढ्दै जाँदा दुर्घटनाको जोखिम बढ्न थालेपछि उपमहानगरपालिकाले सक्रिय रूपमा संकलन कार्य अघि बढाएको हो।
यसैक्रममा, आज नगरका विभिन्न स्थानबाट संकलन गरिएका पशुचौपायालाई वडा नं. २१ स्थित विर्तामा रहेको कान्जी हाउसमा राखिएको छ। नगर प्रहरी निरीक्षक सूर्य बहादुर बोगटीका अनुसार संकलन गरिएका पशुचौपायामध्ये गाई, बाच्छाबाछी, साँढे र गोरु गरी ३३ वटा तथा घोडा, घोडी र बछेरा ८ वटा रहेका छन्। यसरी आज कुल ४३ पशुचौपायालाई नियन्त्रणमा लिएर व्यवस्थापन गरिएको उनले जानकारी दिए।
उपमहानगरपालिकाले सडक सुरक्षा सुदृढ बनाउने, सम्भावित दुर्घटना न्यूनीकरण गर्ने तथा सहरी व्यवस्थापनलाई प्रभावकारी बनाउने उद्देश्यले छाडा पशुचौपाया नियन्त्रण अभियानलाई निरन्तरता दिँदै आएको जनाएको छ। साथै, पशुधनीहरूलाई आफ्ना पशुचौपाया खुला रूपमा सडकमा नछोड्न आग्रह समेत गरिएको छ।
Discussion about this post