बाँके कोहलपुर पुस ४ गते । प्रदेश नं २ का प्रदेश प्रमुख तिलक परियारलाई शुक्रबार कोहलपुरमा स्वागत तथा सम्मान गरिएको छ । प्रदेश नं २ का प्रमुख भएपछि डेढ महिना पछि गृह जिल्ला बाँके फर्किएका परियारलाई स्वागत तथा सम्मान गरिएको हो ।कोहलपुर नगरपालिका वडा नं १२ र १३ को आयोजनामा गरिएको स्वागत तथा सम्मान कार्यक्रममा बोल्दै प्रदेश प्रमुख परियारले आफ्नो क्षेत्रको विकासमा कुनै पनि राजनिति गर्नु नहुने बताए।
खड्कवार घुईयाबारी सल्यान सडक खण्डको प्रसंगलाई जोड्दै उनले राजनितिक खिचातानीले विकासमा अवरोध पुग्ने हुदाँ विकासका लागी सबै राजनितिक दलका प्रतिनिधिहरु मिलेर जानुपर्नेमा जोड दिए । त्यस्तै उनले आफु प्रदेश नं २ को प्रदेश प्रमुख भएतापनि आफ्नो गृह जिल्लाको लागीपनि आवश्यक सहयोग गर्न तत्पर रहेको बताए ।
कार्यक्रममा बोल्दै कोहलपुर नगरपालिका प्रमुख लुट बहादुर रावतले आफ्नो जिल्लाबासी प्रदेश प्रमुखको जिम्मवारी लिइ आएको समयमा स्वागत गर्न पाउँदा खुसी लागेको बताए ।
कार्यक्रममा बोल्दै नेकपाका युवा नेता सुर्य ढकालले बाँकेको कोहलपुर नगरपालिका वडा न १२ का स्थायी वासिन्दा परियार प्रदेश प्रमुख जस्तो पदमा हुनु वडावासीको लागी गौरवको कुरा भएको बताउदै कोहलपुर खडकवार घुईयाबारी सडक खण्डको प्रक्रिया अघि बढीरहेको सन्दर्भमा परियारको सहयोग हुने कुरामा विश्वस्त भएको बताए । कोहलपुर नगरपालिका वडा नं १२ का वडाध्यक्ष कृष्ण बहादुर खड्काको अध्यक्षतामा भएको कार्यक्रममा कोहलपुर नगरपालिका वडा नं १३ का वडाध्यक्ष ओम प्रकाश वली राजनितिक दलका प्रतिनिधि बुद्धीजीवी , सर्वसाधारण लगायतको सहभागीता रहेको थियो।
Discussion about this post