सुकुम्बासी बस्तीमा वडा अध्यक्ष र बिधालयको निर्देशनमा चल्यो डोजर

खोजखबर संवाददाता बाँके पुस ४ गते ।
नेपालगञ्ज राँझा स्थित वडा नम्बर २० मा सुकुम्बासी बस्तीमा वडा अध्यक्ष र बिधालयको निर्देशनमा डोजर चलाइएको छ । सरकारी जग्गा अतिक्रमण गरि बसोबास गरेको भन्दै वडा र विद्यालयको पहलमा शुक्रवार ९ वटा घरमा डोजर चलाईएको हो ।
४० साल देखि बसोबास गर्दै आएका स्थानियलाई एक्कासी हटाउन खोज्दा स्थानिय केही समय आक्रोशित भएका थिए । सरकारले आफुहरुलाई हेला गरेको भन्दै उनिहरुले आक्रोसमा आएका थिए ।

आफ्नो घर कुनै हालतमा खाली नगर्ने र गर्न आउनेलाई जस्तो सुकै मुल्य चुकाउन तयार रहेको स्थानियहरुले बताएका छन् ।
लामो समय बस्दा आफुहरुको लालपुर्जा, बिजुलीबत्ति र मालपोत समेत तिर्दै आएको उनिहरुले बताएका छन् ।
वडा कार्यालय र विद्यालयको दादागिरीले ७५ वटा घर विस्थापित हुने भएका छन् ।

राजनितिक दवाव र विद्यालयको एकलौटी निर्णयले बस्ती नै सखाप हुने भएपछि स्थानियवासी आक्रोस व्यक्त गरेका छन् । स्थानियवासीहरुसंग विना सल्लाह दबावले बस्ती हटाउनु सरासर गलत कार्य भैरहेको स्थानियले बताएका छन् ।

राज्यले जवरजस्ती बस्ती हटाएपनि आफुहरु बस्ती नछोड्ने स्थानियले बताएका छन् ।
बस्ती घर हटाएपनि ज्यानलाई त्रिपाल मुनी भएपनि जोगाउने स्थानिय शिवलाल शर्माले बताए ।

राँझा चौकमा रहेको आदर्श माध्यमिक विद्यालयको भवन नेपालगञ्ज नागरिक उड्डयन प्राधिकरण नेपालगञ्ज विमानस्थल कार्यालयले अधिग्रहण गर्ने भएपछि गायत्रीनगरमा सर्नु पर्ने बाध्यात्मक स्थिति सिर्जना भएको हुनाले दवावमा बस्ती खाली गराउन डोजर चलाएको स्थानियले आरोप लगाएका छन् ।

नेपाल सरकारले ४० बर्ष देखि बसोबास गर्दै आएको प्रमाणित गरिसकेपनि विद्यालय र राजनीतिक दलहरुको दवावले मनोमानी बस्ती हटाउन पहल गरिएको स्थानियको भनाई छ ।
राँझा चौकस्थित विद्यालयको गायत्रीनगरमा ३ विगाह ७ कठ्ठा १४ धुर जग्गामा वर्षौदेखि सुकुम्बासी÷भूमिहीनका नाममा ७६ घरपरिवारले कब्जा गरी घर टहरा बनाएर बसेका छन् । ती मध्ये कतीपय त्यहाँ नबस्ने तर घर टहरा हालेर जग्गा भने ओगटेको पाइएको छ ।

घरमा नबस्ने परिवारलाई पहिलो प्रथामिकतामा राखी हटाउने सर्वपक्षिय बैठकले निर्णय गरेको स्थानिय अगुवाले बताए ।
लामो समय अतिक्रमित जग्गा खाली गर्न गरिएको वडा र विद्यालयको हर प्रयास सफल हुन नसक्दा ।
गृहमन्त्रालयको आदेश बमोजिम डोजर चलाएको स्थानिय एक नेताले बताए ।

यस्तै विद्यालयका प्रध्यानाध्यापक प्रकाश आचार्यले गायत्री नगरको जग्गा २०३६ सालमा विद्यालयको नाममा रहेको जानकारी दिए ।
करिव १० बर्षदेखि विद्यालयको जग्गामा बसोबास गर्दै आएका स्थानियलाई बारम्बार नबस्न आग्रह गर्दा पनि अटेरी गरि बसोबास गर्दै आएको प्रध्यानाध्यापक आचार्यले बताए ।

बारम्बार सुचना गर्दा पनि सुकुम्बासीको नाममा गैरसुकुम्बासीले विद्यालयको जग्गा कव्जा गरेको उहाँले बताए । यस्तै वडा नं. २० का वडा अध्यक्ष कृष्ण कार्कीले २०३६ सालमा विद्यालयको नाममा रहेको जग्गा सुकुम्बासीको नाममा ३ विगहा ७ कठ्ठा १४ धुर कायम गरेको पुर्जामा उल्लेख रहेको वडा अध्यक्ष कार्कीले बताएका छन । भुमाफियाको नाममा जनताहरुलाई राखेको भन्दै उहाँले पहिलेदेखि बस्तीमा नबस्न आग्रह गर्दै आएको जानकारी गराएका हुन ।

१४ सय बालबालिकाको भविश्यमाथि भोटको राजनीति गर्न मलाई रहर नभएको उहाँले बताए । शुक्रबार पहिलो चरणमा ९ वटा खाली मान्छे बसोबास नगर्ने घर हटाउने र बाँकी घर ७ दिन भित्र हटाउने सर्वपक्षिय निर्णय भएको विद्यालयले जनाएको छ । शुक्रवार कल्पना गौतम, जयराम थारु, भिम बुढा, कृष्ण बहादुर थारु, प्रेम विक, जुल्फकार मनिहार लगायतका घर डोजर लगाएर हटाएको थिए ।