बाँके पुस ४ गते ।
बाँकेको नेपालगन्ज उपमहानगरपालिका वडा नं.१२ मा अवस्थित युनाईटेड एजुकेशनल एकेडेमीमा विविध कार्यक्रम गरि विद्यार्थीको चौतर्फी विकासको लागि अतिरिक्त कार्यक्रम सम्पन्न भएको छ । विद्यालयमा हाजिरीजवाफ प्रतियोगिता, नृत्य प्रतियोगिता, रयाम्स वाक विद्यार्थीहरुले गरेका थिए । नृत्य प्रतियोगितामा कक्षा ९ र १० का विद्यार्थीहरुले सहभागिता जनाएका थिए । नृत्य प्रतियोगितामा प्रथम गुन्जन जिएम, द्धितिय दर्शना बिसी तृतीय कुसुम राई भएका थिए । त्यसैगरि रयाम्स वाकमा कक्षा १ देखि ५ सम्मका विद्यार्थीहरुको सहभागिता रहेको थियो ।
सो रयाम्स वाक प्रतियोगितामा प्रथम आकांक्षा शाह, द्धितिय एलिशा सिजाली तृतीय स्पन्दन कर्माचार्य घोषित भएका थिए । हाजिरी प्रतियोगितामा कक्षा ६ देखि ८ सम्मका विद्यार्थीहरुको सहभागिता रहेको थियो ।
सो हाजिरी प्रतियोगितामा प्रथम रेड हाउस, द्धितिय ग्रिन हाउन तृतीय र तृतीय पहेलो हाउस भएको युनाईटेड एजुकेशनल एकेडेमीका सहप्राधानाध्यापक जिवराज भण्डारीले बताउनुभयो ।
सो कार्यक्रममा विजयी विद्यार्थीहरुलाई युनाईटेड एजुकेशनल एकेडेमीका प्रिन्सीपल बिकास बज्राचार्य र मिस नेपालगंज सुमन थापाले पुरस्कार वितरण गर्नुभएको थियो । पुरस्कार वितरण गर्नुहुदै युनाईटेड एजुकेशनल एकेडेमीका प्रिन्सीपल बिकास बज्राचार्यले आफनो विद्यालयले हरेक महिनामा विद्यालयमा बृहत अतिरिक्त कृयाकलापको आयोजना गरि विद्यार्थीको चौतर्फी विकास गर्ने गरेको र भर्खरै सम्पन्न भएको प्रदेश स्तरीय महिला चेस प्रतियोगितामा विद्यालयका विद्यार्थी श्रेया नाग प्रथम भएको समेत जानकारी गराउनुभयो ।
Discussion about this post