विष्णु अधिकारी, बर्दिया पुस ८ गते । प्लान इन्टरनेशनल नेपालले बर्दियामा गर्दै आएको कार्यक्रमको गुलरियामा मंगलवार समिक्षा गरेको छ । प्लान नेपालले विशेष गरी विद्यालयमा अध्ययन गर्ने विपन्न परिवारका बालबालिका लक्षित, लैङ्गिक रुपान्तरण तथा समावेशी शिक्षा, स्वास्थ्य, सरसफाई, बालिका संरक्षण परियोजनाहरु संचालन गर्दै आइरहेको प्लान नेपालकी क्षेत्रीय प्रबन्धक मानी पराजुलीले बताइन ।
उनले यस कार्यक्रमबाट समुदायमा सकारात्मक सोचको विकास हुदै गएको तर कार्यक्रम सकिए पछि यि कार्यक्रमले कसरी निरन्तरता पाउने विषयमा चिन्ता व्यक्त गरेकी थिइन । कार्यक्रममा बर्दियामा संचालित तथा सम्पन्न हुन गइरहेका कार्यक्रमका विषयमा छलफल भएको थियो । परियोजना सल्लाहकार समितिका प्रमुख अतिथि जिल्ला समन्वय समितिका उप–सभापति मान बहादुर विष्टले बर्दियामा स्वास्थ्य, शिक्षा, रोजगारी, समुदायमा आधारित कार्यक्रमले नेपालले लिएको शिक्षा नितीलाई सहयोग पु¥याउने काम गरेकोमा खुशी व्यक्त गरेका छन् । समन्वय उप–प्रमुख विष्टले शिक्षा नै मानव जिवनको पहिलो आखाँ भएको हुदाँ समावेशी शिक्षा परियोजनाले पछाडी परेका बालबालिकाहरुका लागि शिक्षामा पहुच पु¥याउन मद्दत गरेको कुरामा जोड दिएका थिए । उप–प्रमुख विष्टले विभिन्न पालिकामा संचालित परियोजनामा लाग्ने खर्चको केहि प्रतिशत स्थानीय तहहरुले पनि लगानी गर्नुपर्ने कुरामा जोड दिएका थिए । विष्टले बढैयाताल गाउँपालिका–३ सिमरामा बौद्धिक अपाङ्गता भएका बालबालिकाहरुका लागि छात्राबास सहितको भवन निर्माणमा प्लान नेपालले गरेको सराहनीय कामको प्रशंसा गर्दै त्यस विद्यालयमा बौद्धिक अपाङ्गता भएका बालबालिकाहरु अध्ययन गर्ने भएकाले त्यसको संरक्षण गर्ने जिम्मा पालिकाहरुले लिनुपर्ने, कुरामा जोड दिनुका साथै त्यसका लागि आफुले पहलकदमी अगाडी बढाउने बचनवद्धता व्यक्त गरेका छन् । उप–प्रमुख विष्टले स्थानीय तहहरुले गैर सरकारी संघ÷संस्थाले पालिकामा भए गरेका कामहरुको अभिलेख राख्नुपर्ने कुरामा जोड दिएका थिए । प्लान नेपालले बर्दियाका ७ पालिकाहरुमा संचालित स्वास्थ्य, समावेशी शिक्षा, रोजगारी, समुदायमा आधारित कार्यक्रम, बालसंरक्षण, लैङ्गिक हिंसा, बाल विवाह लगाएतका परियोजनाहरुको बारेमा प्रस्तुतीकरण तथा छलफल भएको थियो । सल्लाहकार समिति बैठकमा जिल्ला प्रशासन बर्दियाका प्रतिनिधि, शिक्षा समन्वय इकाइका प्रतिनिधि, गैसस महासंघका अध्यक्ष, राधाकृष्ण थारु जनसेवा केन्द्रका अध्यक्ष, नेपाल पत्रकार महासंघका प्रतिनिधि एवं सरोकारवाला निकायहरुको प्रतिनिधित्व रहेको थियो ।
Discussion about this post