नरैनापुर बाँके पुस १६ गते । नेपाल भ्रमण बर्ष २०२० लक्षित गर्दै नरैनापुर गाउँपालिका कार्यालय बाँकेले पर्यटकिय क्षेत्रहरुको समेटिएको नरैनापुर पर्यटन दर्पण किताव बिमोचन गरेको छ ।
बुधबार गाउँपालिकामा आयोजित नेपाल भ्रमण बर्ष २०२० को समुद्घाटन कार्यक्रम गर्दै गाउँपालिका अध्यक्ष अहमद ईश्तियाक शाहले पर्यटन पुस्तकको बिमोचन गरेका हुन् ।
नरैनापुर १ देखि ६ वडासम्म रहेका २६ वटा प्रसिद्ध पर्यटकिय स्थलहरु समेटिएको कितावको बिमोचन गरिएको हो । बिमोचन गर्दै गाउँपालिका अध्यक्ष शाहले देशमै नमुना कार्य अन्तर्गत गाउँपालिकाले अंग्रेजी र नेपाली भाषामा पर्यटन दर्पण किताव प्रकाशन गरेको जानकारी दिए । पुस्तकमा गाउँपाकिाका प्रसिद्ध धार्मिक, साँस्कृतिक, प्राकृतिक सम्पदाहरुको उजागर गरिएको उनले भने । पुस्तकमा यहाँका २६ वटा पर्यटकिय स्थलहरुका महत्व, अवस्था, पुर्वाधार, भौतिक अवस्था, स्थापना, सम्भावना र आस्थाका विषयमा जानकारी दिएको छ ।
यस्तै गाउँपालिकाले पर्यटन बर्ष लक्षित गर्दै १ देखि ६ वडा समेटेर समेत भिडियो डकुमेन्टी तयार पारेको छ । डकुमेन्टी पनि नेपाली र अंग्रेजी भाषामा तयार पारिएको छ । यसैबीच गाउँपालिकाले पर्यटन बर्षको समुद्घाटन गर्दै नरैनापुर घुम्न पनि निम्तो दिएको छ ।
Discussion about this post