सुर्खेत माघ १४ गते । मंगलबार विहान टिपरको ठक्करबाट वीरेन्द्रनगरमा एक युवाको ज्यान गएको छ । मंगलबार बिहान टिपरको ठक्करबाट कालिकोट महावै गाउँपालिकाका २० वर्षीय केशर सिंहको घटनास्थलमै ज्यान गएको हो। घटना वीरेन्द्रनगरको गौतम चोक नजिक भएको प्रहरीले जनाएको छ ।
सिंहको भे १ प २१७८ नम्बरको मोटरसाइकलमा सवार उनलाई भे १ ख २२४२ नम्बरको टिपरले ठक्कर दिएको थियो । प्रहरीले ठक्कर दिने टिपर र चालकलाई नियन्त्रणमा लिइएको जनाएको छ। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ । घटनापछि चालकको लापरबाहीले घटाना भएको भन्दै स्थानीयले कडा कारबाही र पीडित परिवारलाई उचित क्षतिपूर्ति दिनुपर्ने माग गर्दै गरेको स्थानियको प्रदर्शनले वीरेन्द्रनगर बजार क्षेत्र तनावपूर्ण बनेको छ।
स्थानीयले घटनाको विरोधमा सडकमा टायर बालेर प्रदर्शन जारी राखेका छन्। सवारी साधन सञ्चालनमासमेत प्रदर्शनकारीले अवरोध गरेका छन्। मंगलबार वीरेन्द्रनगर बजार प्रदर्शनकारीले पुर्ण रुपमा बन्द गराएका छन् । टिप्परको ठक्करबाट युवकको मृत्यु भएपछि आक्रोसित बनेका सयौंको संख्याका स्थानिय र मृतकका आफन्तजनहरुले बजार क्षेत्रमा रहेका केही पसलहरुमा तोडफोड समेत गरेका छन् ।
उद्योग वाणिज्य संघ सुर्खेतले प्हरी प्रशासनको लापरबाहीका कारण पसलमा तोडफोड भएको आरोसहित प्रेस विज्ञप्ती निकालेको छ ।
प्रत्यक्षदर्शिका अनुसार टिप्परले सिंहलाई किचेर अन्दाजी २० मिटर सम्म घिसारेको थियो ।
आन्दोलकारीले जिल्ला प्रशासन कार्यालय अगाडि तथा दुर्घटना भएको राजमागृ लगाउतका वीरेन्द्रनगरका विभिन्न स्थानमा आन्दोलनकारीले टायर बालेर प्दशृन गरेका थिए । साथै प्रदर्शनकारीले वीरेनद्नगर ३ एरिचोकस्थित अस्थायी प्रहरी बिटमा पुर्ण रुपमा क्षति पुर्याएका छन् । उनिहरुले उक्त बिटमा तोडफोडका साथै बिट राखिएको स्थानभन्दा २५० मिटर टढा रहेको खोर्के खोलामा फालेका छन् ।
प्रदर्शनकारीहरुले ज्यानको बदला ज्यान लिने भन्दै नाराबाजी गर्न थालेपछि ठुलो संख्यामा प्रहरी परिचालन गरिएको थियो । उनिहरुले मृतकको लास उठाउन नदिएको अवस्थामा प्हरीले बल प्रयोग गरी लास उठाउदा स्थिति तनावग्रस्त भएको हो । आन्दोलनले उग्र रुप लिँदा प्रहरीले दर्जनौं राउण्ड हवाई फायर गरेको थियो । स्थितिलाई नियन्त्रणमा लिन प्रहरीले हवाई फायर गरेको कर्णाली प्रदेशका डीआईजी पुर्णचन्द्र जोशीले जानकारी दिए । भने गोलीसमेत चलेको थियो ।गोली चल्दा आठ जना प्रदर्शनकारी घाइते भएका छन् । प्रहरीले भने उक्त गोलि आफुले नचलाएको बताएको छ ।
जिल्ला प्रशासन कार्यालय सुर्खेते अज्ञात समूहले गोली चलाएको बताएको छ । स्थानीयले भने प्रहरीले नै गोली चलाएको आरोप लगाएका छन् । गोली चल्दा ८ जना घाइते भएको जनाएको छन् । गोली चल्दा जुम्लाका २५ वर्षीय महेश गौतम, दैलेखका १६ वर्षीय हिदेशकुमार शाही, दैलेखका १७ वर्षीय कृष्णबहादुर थापा, दैलेखकै १७ वर्षीय गोकुल गिरी, कालीकोटका कमान सिंहलगायत आठजना घाइते भएको सुर्खेतका प्रहरी प्रमुख डिल्लीराज पन्तले बताए।
आन्दोलनकाले उग्ररूप लिएपछि जिल्ला प्रशसन कार्यालय सुर्खेतले ’कर्फ्यु’ लगाएको छ। सुर्खेतको वीरेन्द्रनगर बजार आसपासमा साँझ ६ः३० बजेदेखि भोलि बिहान ६ बजेसम्म कर्फ्यु लगाएको हो। सुर्खेतको वीरेन्द्रनगर बजार क्षेत्रको पूर्वमा इत्राम खोला, पश्चिममा बाङ्गेसिमल उत्तरमा कपासे ब्यारेक र दक्षिणमा रत्नराजमार्गको पाँच सय मिटर सम्मको दूरीमा कर्फ्यु जारी गरिएको छ। कर्फ्युको समयमा भेला हुन, अन्य काम गर्न र हिँडडुल गर्नसमेत बन्देज लगाइएको छ। कर्फ्यु तोडेमा गोलीसमेत हान्न सक्ने चेतावनी समेत दिइएको छ।
Discussion about this post