बाँके माघ २१ गते । नेपालगञ्जमा सिद्धार्थ बैंकले दुई वटा शाखा सञ्चालनमा ल्याएको छ । नेपालगञ्जको न्युरोड र बिपिचोकमा सिद्धार्थ बैंकले नयाँ शाखा सञ्चालनमा ल्याएको हो ।
शाखाको नेपालगञ्ज उपमहानगरपालिकाका उपमेयर उमा थापामगर, नेपाल राष्ट्र बैंक, नेपालगञ्जका निर्देशक मुक्तिप्रसाद सापकोटा, सिद्धार्थ बैंकका वरिष्ठ नायव महाप्रबन्धक शेरबहादुर बुढाथोकी, ५ नम्बर प्रदेश प्रमुख उपेन्द्र गड्तौलाले उद्घाटन गरेका हुन । नेपालगञ्जमा थपिएका शाखासहित सिद्धार्थको देशभरमा १ सय ८० वटा शाखा पुगेका छन् ।
बैंकले न्यूरोड शाखामा मनोज तिवारी र बीपीचोक शाखामा लोकबिक्रम थापालाई प्रमुख बनाएर पठाएको छ । सिद्धार्थ बैंकको बाँकेमा ५ वटा र नेपालगञ्जमा मात्रै ३ वटा शाखा भएका छन् ।
सिद्धार्थ बैंकको शाखा उद्घाटन गर्दै उपमेयर थापाले पालिकाहरुसँग समन्वय गरेर दूरदराजमा पनि जान आग्रह गरिन ।
बैंकले नाफामात्रै कमाउनु भन्दा पनि सामाजिक उत्तरुदायीका कामहरु गर्नुपर्ने उपमेयर थापा ले भनिन ।
राष्ट्र बैंक नेपालगञ्ज शाखाका निर्देशक सापकोटाले उत्पादनशील र सहुलियत कर्जामा जोड दिन निर्देशन दिएका छन ।
बैंकका वरिष्ठ नायव महाप्रबन्धक बुढाथोकीले बैंकले एक सय ३३ अर्व निक्षेप र एक सय २३ अर्व लगानी गरिरहेको जानकारी दिए । उनका अनुसार, ५ नम्बर प्रदेशमा साढे ३ अर्ब निक्षेप संकलन गरेर ७ अर्व बढी लगानी गरिएको बताए ।
Discussion about this post