झापा माघ २१ गते । सोमबार राती हत्या गरी जलाएको अवस्थामा झापाको बिर्तामोड नगरपालिका– २ चारपाने नजिकै खेतमा एक व्यक्तिको शब फेला परेको छ ।
शब फेला परेसंगै प्रहरीले अनुसन्धानका लागि तीनजनालाई नियन्त्रणमा लिएको छ ।
घटनास्थल नजिकैका वेपत्ता भएका सुभाङ शेखकी श्रीमती शुष्मा शेख, सासू पारु शेख, र ससुरा रहमान शेखलाई नियन्त्रणमा लिएर विर्तामोडस्थित इलाका प्रहरी कार्यालय विर्तामोडमा सोधपुछ भइरहेको जिल्ला प्रहरी कार्यालय झापाका प्रवक्त महेन्द्र श्रेष्ठले जानकारी दिनुभयो । घटनास्थल नजिकैका शेख वेपत्ता हुनु र जलेको शब पनि पुरुषकै भएका कारण उनीहरुलाई सोधपुछका लागि नियन्त्रणमा लिएको बताइएको छ ।
जलेका व्यक्तिको हुलिया खुल्न नसकेपछि प्रहरीले थप अनुसन्धानका लागि संघीय इकाई प्रहरी कार्यालय घरानबाट तालिम प्राप्त कुकुर झिकाएर अनुसन्धान शुरु गरेपनि अहिलेसम्म पत्ता लाग्न नसकेको प्रहरीले जनाएको छ ।
जलेको शव जनिकै खेतको बीचमा पुरुषको संवेदनशील अंङ्ग अण्डकोष सहितको गुप्ताङ्ग० काटेर फालिएको फेला परेको थियो । प्रमाण नष्ट गर्न कसैले ति व्यक्तिलाई हत्या गरी जलाएको हुन सक्ने स्थानीयले बताउँदै आएका छन् ।
स्थानीय ऐनकुमार राजवंशीको खेतमा राखेको परालमा सोमवार राति १२ वजेदेखि आगो लागेको थियो । सोही ठाउँमा जलेको अवस्थामा शव भेटिएको प्रवक्ता श्रेष्ठले बताएका छन । अनुसार घटनाको विषयमा अनुसन्धान गर्न शवलाई पोष्टमार्टमका लागि बीपी कोइराला स्वास्थ्य विज्ञान प्रतिष्ठान धरान पठाईएको छ।
Discussion about this post