बाँके माघ २१ गते । सरकारले बागेश्वरी मन्दिरको जग्गा फिर्ता गर्ने तयारी गरेपछि जग्गाधनीहरुले त्यसको विरोध गरेका छन्।
गुठीको जग्गा जाँचबुझ आयोगले गरेको सिफारिस प्रति आपत्ति जनाउँदै सडक प्रदर्शन समेत गरिसकेका जानकी गाउँपालिका ३ कर्मोनाबासीले मंगलवार पत्रकार सम्मेलनगरी आयोगको विभेदपूर्ण सिफारिस खारेज गर्न सरकारसँग माग गरेका छन् ।
आफुहरुसँग सामान्य सोधपुछ र उपलब्ध प्रमाणको जाँचबुझ नै नगरि आयोगले ‘हचुवाका भरमा’ प्रतिवेदन बनाएको भन्दै स्थानीय राजन बर्माले त्यो आफुहरुका लागि स्विकार्य नहुने चेतावनी दिनुभयो । सदिंयौंदेखि तिरो तिर्दै आएको जग्गा एक्कासी मन्दिरको नाममा भएको भन्दै सरकारले फिर्ता लिने तयारी गरेपछि जग्गाका धनीहरु आन्दोलित बनेका हुन् ।
जग्गाधनीहरुले नयाँ मुलुकका रुपमा बाँके जिल्ला प्राप्त भएको १६ वर्षपछिदेखि नै सो जग्गाको भोगचलन गर्दै आएको र त्यसबाफत राज्य र बागेश्वरी मन्दिरलाई तिरो बुझाउँदै आएको बताए । मन्दिर सन्चालनका लागि तिरो तिरेको कारण सबै जग्गा बागेश्वरी मन्दिरको हो भन्ने हल्ला फैलाउन खोजिएको उनीहरुको दुःखेसो छ । आयोगको प्रतिवेदनमा धेरै वर्षदेखि बागेश्वरी गुठिको ८४ बिघा जग्गा विना कानुनी आधार २०२७, २०२८ र २०५७ मा व्यक्तीका नाममा रैतानी परिणत गरेको निर्णय भएको तर मिसिल प्राप्त नभएको उल्लेख गरिएको छ ।
Discussion about this post