बाँके फागुन ८ गते । नेपालगन्ज उपमहानगरपालिका वडा नम्बर ८ ले गरिब असाय परिवारको लागि घाँसे मैदानमा सार्वजनिक हल निर्माण गर्ने भएको छ ।
नेपालगन्ज उपमहानगरपालिकाको सहयोगमा निर्माण गर्न लागिएको सार्वजनिक हल निर्माणको लागी ५० लाख लगानी गर्ने भएको छ ।
धनी ,गरिव असाय, अपाङ्ग , सबैलाई समान अधिकार स्वतन्त्रता समानहक ,मौलिकतालाई समेट्ने गरि यो महत्वपुर्ण कामको सुरुवात गर्न लागेको वडा अध्यक्ष सुरेन्द्र गुप्ता बैश्यले बताए ।
नगरका मेयर डा. धवल शमशेर राणा ले गरेको वाचा पूरा हुँदै देखिएको वडा ८ का बासिन्दा उत्साहित भएको अध्यक्ष बैश्य ले बताए ।
उनले यो कामको सुरुवात गर्न १० लाख बजेट वडाबाट विनियोजित गरि सकेको र क्रमशः कामलाइ निरन्तर्ता दिने जनाए ।
उक्त भवन निर्माण पछि गरिब असहाय परिवारको लागी विवाह, पार्टी, सेमिनार कुनै प्रकारका कार्यक्रम कार्यको लागि सहज ,सरलताको लागि यो सार्वजनिक हल निर्माण गर्ने योजना बनाएको वडा कार्यालय ले जनाएको छ ।
भवन बनाउने योजना यहिलेको आर्थिक वर्षमा योजना निकालेको वडा अध्यक्ष बैश्यले जानकारी दिए ।
उक्त भवनको १० लाख रुपैयामा सुरु गरि ५० लाख रुपैयासम्मको लगानीमा भवनको निर्माण गर्ने योजना बनाएको वडा अध्यक्ष बैश्यले बताए ।
Discussion about this post