बाँके फागुन ११ गते । नेपालगन्जमा पाल्पा बिकास केन्द्र नामक संस्थाले आइतबार सुर्खेत रोड धम्बोझी स्थित सिद्धाथ होटलमा बाँके र बर्दियाबाट संचालित र प्रकाशित संचारगृहका सम्पादक र विभिन्न संचारक्षेत्रमा कार्यरत सन्चारकर्मीहरुलाई संचार सम्बन्धि अन्तरक्रिया कार्यक्रम सम्पन्न गरेको छ ।
कार्यक्रममा पाल्पा विकास केन्द्रका किरण कौशलले सहजीकरण गरेका थिए । उनले पाल्पा विकास केन्द्रले स्थानियस्तरमा मिडिया विकासका साथै नीतिगत बहस र संवादका कार्यक्रम रुपन्देही र पाल्पामा २०६५ सालबाट शुरु गरेपनी अहिले ५ नम्बर प्रदेशका सबै जिल्लाहरुमा सम्पुर्ण मिडिया संग आवद्ध सम्पादक र कार्यगत संचारकर्मी लाई संचार सम्बन्धि जानकारी दिएका हुन ।
उनले पत्रकारहरुलाई स्थानीय एवं प्रदेश सरकारले बनाउने नितिदेखि बजेट लगायतका बिषयमा खास मुद्दा र स्रोतको पहिचान गरी विस्तृत रुपमा समाचार तयार पार्न सहयोग र्पुयाउने उद्देश्यले स्थानीय सरकार र प्रदेश सरकारसङ्ग सम्बन्धित सरोकार सामग्रीहरु समेटिएको पोर्टल नितिपात्रो डट कम पनि संचालनमा ल्याएको जानकारी दिए ।
उक्त कार्यक्रममा संचार क्षेत्रमा लामो समय देखि खटिएका पत्रकार स्थानीय तहको मिडिया नीति तथा कानुन सम्बन्धि बिषयमा भएको छलफल कार्यक्रममा झलक गैरे, शंकरप्रसाद खनाल, कृष्ण अधिकारी, रुद्र सुवेदी, लक्ष्मण ढुंगाना लगायतका सम्पुर्ण अग्रज पत्रकारहरुले आ-आफ्ना अनुभव र सुझाव राखेका थिए ।
Discussion about this post