सरला सुबेदी बाँके कोहलपुर फागुन १५ गते ।
कोहलपुर नगरपालिकाको सम्मुनत विकास र समृद्धिको लागि आर्थिक विकासका सम्भावनाको खोजी गरिएको छ।शहरीकरण र औद्योगिकरणको चरणमा रहेको कोहलपुरको लागि आर्थिक विकासका संभावनाका क्षेत्रहरुको विश्लेषण र खोजी गरिएको छ ।कोहलपुरमा प्रतिस्पर्धात्मक लाभको सहभागितामुलक विश्लेषण (PACA)को सरोकारवाला सङ्ग पारम्भिक छलफल कार्यक्रम कोहलपुर नगरपालिकाको समन्वय र जिआइजेट को आर्थिक सहयोगमा गरिएको थियो।
बांँके जिल्लाका दुई वटा स्थानीय तहमा आर्थिक विकासको क्षेत्रमा साझेदारि गर्नको लागि स्थानिय तथा प्रादेशिक आर्थिक बिकास परियोजना २०७६जेष्ठ महिना देखिसन्चालनमा ल्याएको छ ।
यो परियोजना २०७९ जेष्ठ सम्म संचालन हुनेछ। यश परियोजनाले दिगो आर्थिक बिकास स्वास्थ र पुन नविकरणिय उर्जाको क्षेत्रमा काम गर्दै आएको छ । तीन वटा प्रदेशमा लागू गरिएको परियोजना अन्तर्गत कोहलपुर नगरपालिकामा पनि आर्थिक विकासका क्षेत्र र प्राथमिकता खोजी गरिएको हो । उक्त
छलफलमा कोहलपुरको सम्मुनत आर्थिक विकासको लागि कृषि ,पशुपालन,व्यापर व्यवसाय ,उद्योग र गरिबी निवारणलाई आर्थिक विकासको क्षेत्रको रुपमा खोजी गरिएको थियो। कार्यक्रमका सहभागीहरुले कोहलपुरको आर्थिक विकासको आधारमा कृषिमा आधुनिकीकरण,औद्योगिकरणको लागि लगानी व्यापार व्यवसाय प्रवद्दन , पशुपालन ,शिक्षा स्वास्थ र खेलकुद क्षेत्रलाई प्राथमिकतामा राखेर परियोजना सन्चालन गर्नु पर्ने बताए ।
कार्यक्रममा परियोजनाका बिषयमा जानकारी दिदै डिपुटी प्रमुख टेक्निकल एडभाईजर रोशन श्रेष्ठले जर्मन सरकारको प्राबिधिक सहयोगमा कर्णाली सुदुरपस्चिम र ५ नम्बर प्रदेशका गरि ११वटा उपमहानगरपालिका र नगरपालिका मा लागू भएको बताए।उनका अनुसार परियोजनाले सबै स्थानिय तहमा आर्थिक , विकासका क्षेत्रको पहिचान , सम्भावना र प्राथमिकताका आधारमा आर्थिक विकासका क्षेत्रमा गतिविधि सन्चालन गर्नेछ। अहिले सबै स्थानिय तहहरुमा क्षेत्र पहिचान सम्भावना र प्राथमिकता क्षेत्रको खोजी भैइरहेको उनले बताए ।
उनले आर्थिक क्षेत्रको बिकासको लागि सम्बन्धित स्थानिय तहका बिज्ञहरु सङ्गको सहकर्यमा काम हुनेछ सोही अनुसार विभिन्न चरणमा विभिन्न क्षेत्रका सरोकरवाला निकायसङ्ग छलफल भैरहेको छ। यस्तै कार्यक्रममा परियोजनाका बिज्ञ निशान्त खनालले यो परियोजना विश्वका ४० देशहरुमा निकै सफल भएकोले कोहलपुरमा समेत आर्थिक विकासको लागि टेवा पुग्ने बताएका छ्न । उनले यो परियोजना कोहलपुरको आर्थिक विकासको लागि एक सुनौलो अवसर रहेको बताए ।यसैगरी कार्यक्रममा बोल्दै कोहलपुर नगरपालिका प्रमुख लुट बहादुर रावतले चालू आर्थिक बर्षको निति तथा कार्यक्रममा आर्थिक विकासमा महत्वपुर्ण गौरवका योजना नगरपालिकाले सन्चालन गरेको बताए। उनले परियोजना बाट नगरले लिएको नितिमा थप उर्जा दिने दाबि गरे ।
Discussion about this post