जावेद अन्सारी/भिम पौडेल
बााँके फागुन १७ गते । नेपालगञ्ज भन्सार कार्यालय बाँकेमा आर्थिक बर्ष २०७६÷०७७ को लक्षित राजस्व संकलनमा चुनौती थपिएको छ । आर्थिक बर्ष सकिनका लागि करिब ४ महिना बाँकी रहेता पनि लक्ष्य अनुसारको राजस्व संकलन हुन सकेको छैन ।
आर्थिक बर्ष २०७६÷०७७ को लक्ष्य राजस्व साढे १५ अर्ब बराबरको रहेपनी हाल सम्म साढे ७ अर्ब राजस्व संकलनमात्र गरेको छ ।
गत वर्षको लक्ष्य १२ अर्ब भन्दा बढी रहेकोमा यस बर्ष गत बर्षकै तुलनामा राजस्व संकलनमा कठीनाई भएको छ । नेपालगञ्ज भन्सार नाकाबाट सबैभन्दा धेरै मात्रामा पेट्रोलियम पर्दाथ आयात हुने गरेकोमा यो साल त्यो संख्यामा धेरै घटेको छ । ५० प्रतिशत राजस्व पेट्रोलीयम पदार्थबाट आउने गरेकोमा यो बर्षमा त्यसमा गिरावट आउदा राजस्व संकलनमा कठिनाईमा समस्या आएको भन्सार कार्यालयका प्रमुख शान्तीराम निरौलाले बताए ।
नेपाल विद्युतमा आत्मनिर्भर हुदै जादा पनि पेट्रोलियम पदार्थ आयातमा कमि आएको समेत निरौलाले बताए । विद्युुत उत्पादनमा राम्रो भए संगै पेट्रोलियम पदार्थमा कमी आएको छ, जसले देशलाई फाईदा भएको र भन्सारको राजस्वमा चुनौति आएको हो । अहिले विद्युत नियमितताले कलकारखाना हरुमा पेट्रोयिम पर्दाथको निकासीमा कमी आएको छ ।
भन्सार कार्यालय र सिमा नाकाको बिचमा अव्यवस्थित बजार हरु हुनु सिमानामा चेकजाच गर्ने मेसीन भएर पनि बिग्रीएर थन्काएर राख्नु जस्ता कुराहरुले पनी राजस्व संकलनमा कठीनाई उत्पन रहेको छ ।
नेपाल बाट जाने सामाग्री हरुमा ५० प्रतिशत ले गिरावट आएको छ, भने भारत बाट निकासी हुने सामाग्रीमा कमी आएकोले लक्षित राजस्व संकलनमा कठीनाई रहेको छ ।
राजस्वको लक्षित टारगेटमा पुग्न कठीनाई हुने भएपछी भन्सार कार्यालय बाँकेले लक्षित रकममा हेरफर गर्न माथिलो निकयमा पत्रचार समेत गर्न लागेको निरौलाले जनाए । जमुनाहा भन्सार बाट हाल फलफुल तथा तरकारी ,कपडा तथा खाद्यान्न लगायत अन्य केही बस्तु हरुको निकासा हुने गरेको छ ।
Discussion about this post