बाँके चैत २० गते । पुर्बमन्त्री मोहम्मद इस्तियाक राईले एम्बुलेन्स चालकहरुलाई ब्यक्तिगत सुरक्षा उपकरण (पिपिई) बितरण गर्नुभएको छ । पूर्व मन्त्री राईले बिहिबार नेपालगञ्जमा रहेका ४७ जना एम्बुलेन्स चालकलाई पीपीई बितरण गर्नुभएको हो । चालकहरुलाई (पिपिई)संगै ग्लोबस, माक्स, लांङ बुट, सेनिटाइजर, टोपी प्रदान गरिएको छ । बितरण गर्दै पुर्बमन्त्री राईले स्वास्थ्यकर्मी, चिकित्सक जस्तै फ्रन्टलाइनमै रहेर काम गर्नुपर्ने भएको हुँदा एम्बुलेन्स चालकहरु पनि कोरोनाको उच्च जोखिममा रहेको भन्दै उनीहरुलाई सुरक्षा उपकरण उपलब्ध गराएको जानकारी दिनुभयो ।
उहाँले कोरोना भाइरसको नियन्त्रणका लागि खटिने स्वास्थ्यकर्मी र एम्बुलेन्स चालकहरुलाई राज्य तथा संघसंस्थाको तर्फबाट कुनै सुरक्षाका उपकरण उपलब्ध नभएकाले संघीय सांस्दको हैसियतले सानो सहयोग गरेको स्पष्ट पार्नुभयो ।
यो उपकरणले चालकहरुलाई कोरोना भाइरसको जोखिमबाट बच्न सहयोग पुग्ने आशा लिएको धारणा राख्नुभयो । व्यक्तिगत सुरक्षा उपकरण प्राप्त गरेपछि चालकहरु खुसी भएका छन् ।
सुरक्षा सामाग्रीका लागि जिल्ला प्रशासन, नेपालगञ्ज उपमहानगरपालिका लगायतका निकायमा धाउँदा वेवास्ता गरिएको अवस्थमा पाइएको सामानले बिरामीहरुको उद्धारका कार्य सक्रिय हुन हौसला मिलेको प्रतिक्रिया दिएका छन् । पुर्बमन्त्री राईले आफुहरुलाई उपलब्ध गराएको उपकरणले ज्यान जोगाउन सहज हुने धारणा राखे । मन्त्री राईले बाँकेमा कोरोना नियन्त्रण तथा रोकथामका लागि प्रभावकारी भुमिका खेल्दै आउनुभएको छ ।
त्यस्तै सोही अवसरमा कोरोनाका गम्भीर प्रकारका बिरामीलाई चेकजाँच गर्न सहज होस भनेर बाँकेका बिभिन्न अस्पतालहरुलाई सिसा बक्स (बभचयकय) १० वटा प्रदान गरिएको छ । नेपालगञ्जस्थित भेरी अस्पताललाई ३, नेपालगञ्ज मेडिकल कलेज नेपालगञ्जलाई ३, नेपालगञ्ज मेडिकल कलेज कोहलपुरलाई २ र शुशिल कोइराला प्रखर क्यान्सर अस्पताल खजुरालाई २ वटा प्रदान गरिएको हो ।
भिडियो सहित हेर्नुस
Discussion about this post