बाँके चैत २२ गते । प्रदेश पाँचका समाजिक विकास मन्त्री सुदर्शन बरालले कोरोना न्यूनिकरण तथा रोकथामका लागि प्रदेश सरकार गम्भीर ढंगले लागि परेको बताउनुभएको छ । आज विहान शुसील कोईराला प्रखर क्यान्सर अस्पताल खजुरामा सन्चालनमा ल्याइएको कोरना विशेष आइसोलेशनको निरीक्षण गर्दै उहाँले सकेसम्म संक्रमण भित्रिनै नदिने गरी प्रदेश सरकार लागि परेको बताउनुभयो । उहाँले आइसोलेशनलाई थप व्यवस्थित गर्न सकिने पहलका बारेमा समेत गाउँपालिकाका अध्यक्ष किष्मतकुमार कक्षपतिसँग राय माग्नुभएको थियो ।
त्यसक्रममा अध्यक्ष कक्षपतिले गाउँपालिकाले कोरोना संक्रमण विरुद्ध गरिरहेको कामबारे जानकारी गराउनुभयो । प्रदेश सांसद कृष्णा केसी नमूनाले भारतबाट भित्रिने नेपालीहरुको उचित व्यवस्थापन चुनौति बनेको बताउनुभयो । अनुगमनमा बाँकेका सिडिओ कुमार बहादु खड्का, बाँकेका एसपी बीरबहादुर ओली, भेरी अस्पतालका मेसु डा.प्रकाश बहादुर थापालगायतको सहभागीता रहेको मन्त्री बरालसँगै रहनुभएकी नेपालगन्ज उपमहानगरपालिकाका उपमेयर उमा थापामगरले जानकारी दिनुभयो ।
Discussion about this post