बर्दिया चैत्र २४ गते । कोरोना भाइरसले निम्त्याएको विपतमा गरिव तथा विपन्न वर्गलाई सहयोग गर्न ठाकुरबाबा नगरपलिकाका शिक्षक र जनप्रतिनिधीहरुले विपत व्यवस्थापन कोषमा सहयोगस्वरुप ४ लाख २४ हजार ७ सय रुपैँया प्रदान गरेका छन् ।
ठाकुरबाबा नगरपालिकामा कार्यरत २०७ जना शिक्षकले आफनो एक दिनको तलब रकम एक मुष्ठ २ लाख १६ हजार रुपैँया नगरको विपत व्यवस्थापन कोषमा प्रदान गरेको नेपाल शिक्षक महासंघ नगर समिति ठाकुरबाबाका अध्यक्ष किरुलाल चौधरीले जानकारी दिए ।
यस्तै ठाकुरबाबा नगरपालिकाका नगरप्रमुख, उपप्रमुख, कार्यपालिका सदस्य, वडाध्यक्ष र सदस्यहरुले पनि विपत कोषमा एकमुष्ठ २ लाख ८ हजार ७ सय रुपैँया सहयोग प्रदान गरेका छन् । जनप्रतिनिधीहरुले आफ्नो सामाजिक दायित्व वहन गर्दै नगरको विपत कोषमा सहयोग गरेको नगरप्रमुख घननारायण श्रेष्ठले बताए ।
विपन्नलाई सहयोग सक्दो सहयोग गर्नका लागि नगरपालिकाले सबै नगरबासीमा आह्वान गरेको छ । नगरपालिकाको आह्वान अनुसार नगरका विभिन्न संघ, संस्था तथा व्यवसायीहरुले विपत कोषमा रकम सहयोग गर्ने क्रम जारी रहेको नगरपालिकाले जनाएको छ ।
बिहान बेलुकाको छाक ज्याला मजदुरी गरि खाने अति विपन्न घरपरिवार पहिचान गरी नगरले राहत स्वरुप खाद्यान्न वितरण गर्न थालेपछी विभिन्न संघ संस्थाले नगरलाई सहयोग गर्न थालेका छन् ।
ठाकुरबाबा नगरपालिकाको विपद व्यवस्थापन कोषमा विभिन्न संघ संस्था तथा व्यक्तिगत रुपमा हालसम्म १० लाख बराबरको खाद्यान्न तथा नगद सहयोग जुटेको नगरप्रमुख घननाराण श्रेष्ठले बताएका छन् ।
Discussion about this post