बर्दिया असार ५ गते । बढैयाताल गाउँपालिका भित्र रहेको सामुदायिक विद्यालयका प्राधानाध्यापकहरु आफनो विद्यालयमा स्वास्थ्य परिक्षण गर्न प्रतिबद्ध रहेका छन् । बढैयाताल गाउँपालिका भित्रका सामुदायिक बिद्यालयहरुमा स्वास्थ्य परीक्षण पहलको लागि बढैयाताल गाउँपालिकामा रहेका सामुदायिक विद्यालयका प्राधानाध्यापकहरुसंग आज छलफल गरिएको छ । बढैयाताल गाउँपालिका वडा नं.३ मा रहेको भवानी माविका प्राधानाध्यापक धर्मप्रसाद शर्माले आफनो विद्यालयमा विद्यार्थीहरु समय समयमा बेहोश हुने गरेको जानकारी गराउनुभयो । समय समयमा स्वास्थ्य परिक्षण भए विद्यार्थी के कारणले बिरामी भएको भन्ने बारे जानकारी हुने बताउनुभयो । सो बैठकमा बढैयाताल गाउँपालिका शिक्षा शाखाका प्रमुख बिष्णु ढकालले बिधार्थी स्वस्थ्य रहे मात्रै गुणस्तरीय शिक्षा आर्जन गर्न सक्ने भएकोले बढैयाताल गाउँपालिकाको स्वास्थ्य शाखासंग शिक्षा शाखाले समन्वय र सहकार्य गरि स्वास्थ्य परिक्षण गर्नको लागि अगाडि बढ्ने जानकारी दिनुभयो ।
सो छलफलमा एनएसडब्लुए कञ्चनपुरका क्षमता विकास अधिकृत देवराज बडुले विद्यालयमा स्वास्थ्य परिक्षण गर्दा नियमित पढाई हुने वातावरण सृजना हुने बारे जानकारी गराउनुभयो ।
सामुुदायिक विद्यालयमा स्वास्थ्य परिक्षण नहुने सवालमा विद्यार्थीको स्वास्थ्य परीक्षण भए नभएको वस्तु स्थिति बारे अनुसन्धान समेत गरिएको सूचना र मानव अधिकार अनुसन्धान केन्द्रका जिल्ला जवाफदेहिता अधिकृत सोम गुरुङले जानकारी दिए । सूचना र मानव अधिकार अनुसन्धान केन्द्रले पारस्परिक जवाफदेहिता परियोजना अन्तर्गत बढैयाताल गाउँपालिकामा रहेको सामुदायिक विद्यालयहरुमा स्वास्थ्य परीक्षण नभएको बारे सवाल उठाउदै आएको छ । नेपालको संविधानको धारा ३५ (१) मा प्रत्येक नागरिकलाई राज्यबाट आधारभुत स्वास्थ्य सेवा निशुल्क प्राप्त गर्ने हक हुनेछ र कसैलाई पनि आकस्मिक स्वास्थ्य सेवाबाट वञ्चित गरिन छैन भनी मौलिक हकको रुपमा उल्लेख गरेको छ । राष्ट्रिय शिक्षा ऐन २०७५ अनुसार विद्यालयहरुमा अनिवार्य रुपमा प्राथमिक स्वास्थ्य उपचार गरिनुपर्ने ब्यवस्था ल्याएको छ । यसै अन्तर्गत रहेर सूचना र मानव अधिकार अनुसन्धान केन्द्रले सामुदायिक विद्यालयमा स्वास्थ्य परीक्षण हुनु पर्ने भन्दै बर्दिया जिल्लामा रहेर शिक्षा क्षेत्रमा कार्यरत संस्थाहरुसंग सहकार्य गरि सो सवाललाई उठान गरेको हो ।
Discussion about this post