काठमाडौ बैशाख १ गते । सत्तारुढ नेपाल कम्युनिस्ट पार्टी (नेकपा)का सचिवालय सदस्य तथा प्रवक्ता नारायणकाजी श्रेष्ठले १० महिनाको तलब कोरोनाबाट प्रभावित विपन्न वर्गलाई राहत दिने घोषणा गरेका छन ।
नेकपाका राष्ट्रियसभा सदस्य समेत रहेका श्रेष्ठले एक बर्षको तलब नलिने र त्यसमध्ये १० महिनाको तलब विपन्न वर्गलाई राहत दिने घोषणा गरेका हुन ।
बाँकी दुई महिनाको तलब भने सरकारको कोरोना कोषलाई दिने नारायणकाजीको भनाई छ । सोमबार नयाँ बर्ष २०७७ शुरु भएको अवसरमा नारायणकाजीले विश्वव्यापी फैलिएको कोरोना भाइरसले अझ भयावह अवस्था ल्याउन सक्ने भन्दै अहिलेदेखि नै व्यापक तयारी र सावधानी अपनाउनुपर्नेमा पनि जोड दिएका छन ।
यसका लागि आफ्नो तर्फबाट अहिले नै राहतको घोषणा गरेको पनि नारायणकाजीको दाबी छ ।
ADVERTISEMENT
Discussion about this post