बाँके बैशाख ५ गते । नेपाल भारत सीमा दशगजामा रहेको क्वारेन्टाइनमा राखिएका नेपालीहरुलाई घर पठाउने दिनभरको प्रयास विफल भएको छ । १४ दिनसम्म क्वारेन्टाइनमा बसेका उनीहरु सबैको रिपोर्ट नेगेटिभ आएपछि नेपालगन्ज उपमहानगरपालिकाले बिहीबार घर पठाउने तयारी गरेको थियो । तर गृहको आदेश भन्दै स्थानीय प्रशासनले अवरोध सिर्जना गरेपछि उनीहरुलाई पुनः क्वारेन्टाइनमै राख्नु परेको नेपालगन्ज उपमहानगरपालिकाकी उपमेयर उमा थापामगरले जानकारी दिनुभयो ।
थापाले भन्नुभयो,भारतबाट आएका नेपालीहरुलाई १४ दिनसम्म क्वारेन्टिनमा राखेर चेकजॉचपछि सबै रिपोर्ट नेगेटिभ आएको हुॅदा स्थानीय प्रशासन संगको समन्वयमा घर पठाउने आजको दिनभरिको प्रयास सफल भएन । स्थानीय प्रशासन र गृह मन्त्रालयको समन्वयको कमि कमजोरिको कारण हाम्रो प्रयास विफल भएको मेरो ठम्याई छ । अहिलेको विषम परिस्थितिमा सम्बन्धित जिम्मेवार निकाय गम्भीर नहुनु दुखद कुरा भएकाे भन्दै उपमेयर थापाले समयमै समन्वय गरेर उचित निर्णय गर्न अनुरोध गर्नुभयाे । दिनभरकाे प्रयास बिफल भएपछि अर्को निर्णय नआउॅदासम्म पहिलेकै जस्तो गरि सम्पुर्ण व्यवस्थापन उपमहानगरपालिकाले गर्ने व्यवस्था मिलाईएकाे उपमेयर थापाले जानकारी दिनुभयाे ।
Discussion about this post