बाँके बैशाख ६ गते । बर्दिया जिल्लाको गुलरिया नगरपालिका वडा नं. १ का ४२ बर्षिय इस्माइल बेहनाको शनिबार नेपालगन्ज मेडिकल कलेज शिक्षण अस्पतालको आइसोलेसनमा उपचारको क्रममा मृत्यु भएको छ । उनलाई लगातार ज्वोरो आएपछी आइसोलेसनमा राखिएको थियो । उक्त बेहनाको कोरोना जाँच भने भएको थिएन । मृत्युपछि मात्र कोरोना जाँचका लागि स्वाब संकलन गरिएको छ । अस्पतालका कोरोना फोकल पर्सन डा.रोमन किदवाईका अनुसार तीन दिन अघि सास सिकिस्त बिरामी भइ उपचारमा आएका बेहनालाई अस्पतालको आइसोलेसनमा भर्ना गरिएको थियो ।
डा.किदवार्ईले भने, ‘कोरोनासँग मिल्दोजुल्दो लक्षणहरु ज्वरो, रुघाखोकी र स्वास फेर्न कठिनाइ भएको अवस्थामा आएका थिए । हामीले तत्कालै आइसोलेसनमा राखेर उपचार जारी राखेका थियौं ।’ शिक्षण अस्पताल नेपालगन्जमा आइसोलेसनमा अहिले पनि १३ जनाको उपचार भइरहेको छ । उनको उपचारको क्रममा निदन भए सङ्गै अस्पतालमा रहेका अन्य व्यक्तिहरुमा नि डर उत्पन्न भएको छ । तर डाक्टर किदवाईले उपचार पछि सबै ठिक हुने हुनाले सबै बिरामिलाई नआत्तिन भनेका छन् उनले छिटो भन्दा छिटो सबै बिरामिलाई ठिक पारेर घर पठाउनु आफ्नो दायित्व भएको भन्दै बिरामिलाई हौसला प्रदान गरेका छन् ।
Discussion about this post