बाँके बैशाख ९ गते । उच्च अदालत तुलसीपुर नेपालगन्ज इजालासले जिल्ला अदालत बाँकेको आदेश उल्टाउँदै एक वर्ष कैद भुक्तान गर्न बाँकी कैदवापत रुकम लिएर छाड्न आदेश दिएको छ । सर्वोच्चको चैत ७ गतेको निर्णय विपरीत बाँके जिल्ला अदालतले चैत २६ गते १० जना बन्दीलाई छाड््न नमिल्ने आदेश गरेपछि एक दर्जन कानून व्यवसायीले एकजना पटकेलाई छाडेर नौ जनाको तर्फबाट उच्च अदालतमा बन्दी प्रत्यक्षीकरणको निवेदन दर्ता गराएका थिए । सोही निवेदन उपर उच्च अदालतले आज बन्दीप्रत्यक्षीकरणको आदेश गरेको अधिवक्ता इश्वरी ज्ञवालीले जानकारी दिनुभयो । सर्वोच्चले एक वर्षसम्म कैद तोकिएका कैदीले कैद वापतको रकम दिई कैद मुक्तका लागि निवेदन परेमा छाडिदिने निर्णय गरेको थियो । उच्च प्रजुन गिरी, श्रीशेष रावल, लीलाबहादुर बस्नेत, मेघराज रोकाय, सुन्दर हरिजन, समिर सिद्दिकी, मीनबहादुर शाह, सीता कामी र हस्तबहादुर विकलाई छाड्न उच्च अदालतले आदेश दिएको हो । उनीहरुबाट दिनको तीन सयको दरले रकम असुल्न आदेशमा भनिएको छ ।
Discussion about this post