खोजखबर संवाददाता
बाँके साउन २४ गते । आज बेलुका ७:३० बजेको समयमा नेपालगञ्जबाट दुई जना व्यक्तिलाई लागू औषध ब्राउन सुगरसहित प्रहरीले पक्राउ गरेको छ ।
सिमा प्रहरी चौकी जयसपुर तथा लागु औषध नियन्त्रण व्यूरो नेपालगञ्जबाट खटिएको प्रहरी टोलीले नेपालगञ्ज उपमहानगरपालिका वडा नम्बर १६ स्थित सिमा प्रहरी चौकी अगाडी सडक खण्डमा जमुनाहाबाट नेपालगञ्जतर्फ आटो रिक्सामा आउदै गरेका जिल्ला सुर्खेत विरेन्द्रनगर नगरपालिका वडा नम्बर १० बस्ने २८ बर्षिय भुवन बि.क र सुर्खेत नगरपालिका वडा नम्बर ९ बस्ने १९ वर्षीय अशोक सोनिलाई प्रहरीले पक्राउ गरेको हो ।
उनिहरुलाई चेकजाँच गर्दा भुवन बि.क ले कम्मरमा लगाएको बेल्ट मुनि पछाडि लुकाई राखेको अबस्थामा ४ पोका कालो पलाष्टिकमा बेरिएको ३ ग्राम ३७ मिलिग्राम ब्राउन सुगर बरामद गरेको सिमा प्रहरी चौकीका इन्चार्ज सई भिम खडकाले बताउनु भयो । दुबैजनालाई नियन्त्रणमा लिई आबश्यक अनुसन्धानका लागि जिल्ला प्रहरी कार्यालय बाँकेमा पठाइएको इन्चार्ज सई खड्काले बताउनु भयो ।
Discussion about this post