पोखरा बैशाख २९ गते ।
विभिन्न राजनीतिक दलका नेता र सरोकार सङ्घसंस्थाले कास्कीमा जातीय भेदभाव तथा छुवाछूत गरेको आरोपमा पक्राउ परेकालाई संरक्षण गरेको आरोप लगाउँदै गण्डकी प्रदेशसभा सदस्य कृष्णबहादुर थापाको राजीनामाको माग गरेका छन्।
नेपाल कम्युनिष्ट पार्टी नेकपा का नेता जीतु गौतम, गणेश बिक, नेपाली कांग्रेसका नेता मीन विश्वकर्मा तथा संयुक्त दलित सङ्घर्ष समिति, नेपाल राष्ट्रिय दलित पत्रकार सङ्घ र दलित गैरसरकारी संस्था महासङ्घलगायत सङ्घसंस्थाले प्रेस विज्ञप्ति जारी गरी थापाले तत्काल राजीनामा दिनुपर्ने माग गरेका हुन्।
कास्कीमा एक जना दलित युवालाई सार्वजनिक भवनमा किरिया गर्न नदिएपछि दुई जनालाई प्रहरीले पक्राउ गरेको छ । सांसद थापाले पक्राउ परेकालाई रिहाईको माग गर्दै भेदभावलाई प्रश्रय दिएको आरोपमा थापाको राजिनामा मागिएको छ ।
ADVERTISEMENT
Discussion about this post