बाँके जेठ ११ गते ।
पुर्वमन्त्री मोहम्मद इस्तियाक राईले बाँंकेमा ठूलो परिमाणमा सेनिटाइजर, माक्स र ग्लोब्स बितरण गर्नु भएको छ । बाँके क्षेत्र नम्बर २ बाट प्रतिनिधिसभा सदस्य समेत रहेका राईले कोरोना रोकथाम तथा नियन्त्रणमा फ्रन्टलाईनमा खटिने बाँकेका सुरक्षाकर्मी र पत्रकार लाई सेनिटाइजर, माक्स र ग्लोब्स बितरण गर्नु भएको हो ।
जिल्ला प्रशासन कार्यालय, जिल्ला प्रहरी कार्यालय, नगर प्रहरी, जमुनाह प्रहरी, नेपाली सेना, सशस्त्र प्रहरी र पत्रकार महासंघलाई सेनिटाइजर, माक्स र ग्लोब्स प्रदान गरिएको छ ।
जिल्ला प्रहरी कार्यालयलाई पनि ४ सय माक्स ४ सय ग्लोब्स र १० लिटर सेनिटाइजर, सशस्त्र प्रहरीलाई २५० माक्स, २५० ग्लोब्स र १० लिटर सेनिटाइजर, नगर प्रहरीलाई १०० थान माक्स, १०० थान ग्लोब्स र १० लिटर सेनिटाइजर बितरण गरिएको छ । पुर्ब समाजवादी पार्टीका बाँके अध्यक्ष कमरुद्दिन राईले ती सामाग्री सम्बन्धित ठाउँमा लगेर प्रदान गर्नुभएको छ ।
यस्तै मन्त्री राईले उपलब्ध गराएको नेपाल आर्मीलाई १५० माक्स, १५० ग्लोब्स र ५ लिटर सेनिटाइजर, जिल्ला अनुसन्धानलाई १०० माक्स, १०० ग्लोब्स र १० लिटर सेनिटाइजर आजै बितरण गरिएको अध्यक्ष राईले बताउनुभयो । जमुनाह प्रहरी र जयसपुर प्रहरीलाई पनि माक्स, ग्लोब्स, सेनिटाइजर मन्त्री राईले उपलब्ध गराउनु भएको छ ।
पत्रकार महासंघ बाँकेलाई पनि ६० थान माक्स, ५० थान ग्लोब्स र ६० वटा सेनिटाइजर बितरण गरिएको छ । आज उपलब्ध गराइएको सबै माक्स एन नाइट फाइभ हो ।
मन्त्री राईले नरैनापुरमा एक हजार सर्जिकल माक्स पठाउनु भएको छ भने डुडुवा पालिकामा रहेका क्वारेन्टाइनमा साबुन, सेनिटाइजर, पानी उपलब्ध गराउनु भएको छ ।
फ्रन्टलाइनमा खटिने सुरक्षाकर्मीलाई उक्त सामाग्रीले ठूलो राहत दिने बाँकेका एसपी बीरबहादुर ओलीले जानकारी दिनुभयो ।
Discussion about this post