नरैनापुरमा सुरक्षाकर्मीसहितको स्वास्थ्य विज्ञ टोली परिचालन गर्न माग
बाँके जेठ ११ गते ।
बाँकेस्थित राजनीतिक दलले नरैनापुर क्षेत्रमा तत्काल सुरक्षाकर्मीसहितको स्वास्थ्य विज्ञ टोली परिचालन गर्न माग गरेका छन् । सम्वाद समूह, बाँकेको पहलमा शनीबार अपरान्ह गरिएको मुख्य राजनीतिक दलबीचको कुराकानीमा सो माग गरिएको हो ।
नेकपा, नेपाली काँगे्रस, राप्रपा र जनता समाजवादी पार्टीका प्रमुख एवं प्रतिनीधीबीचको भिडीयो सम्वादमा उनीहरुले कोरोना ९कोभिड –१९० संक्रमण नियन्त्रणका लागि सरकारले तत्काल उचित पहलकदमी लिन अनुरोध गरेका हुन् ।
कोरोना संक्रमण नियन्त्रण र उपचारका क्रममा देखीएका पछिल्ला घटनाक्रम र दल लगायतको भुमिकाका सवालमा गरिएको अनलाईन सम्वादमा तीनै तहको सरकार र सरोकार निकाय बीचमा प्रयाप्त समन्वय र सहकार्य नभएको पाइएको बताइएको थियो ।
नरैनापुरमा क्वारेन्टाइन निर्माण, व्यवस्थापन, आपसी सहकार्य लगायतका सवालमा आफुहरु सम्वदेनशील, जिम्मेवार र क्रियाशिल रहेको बताएका थिए । कोरोना रोकथाम र नियन्त्रणका सवालमा दलहरु एकमत रहेको भन्दै उनीहरुले स्थानीय प्रशासन, स्थानीय सरकार र प्रदेशसरकार बीचको समन्वय र सहकार्यलाई बढाइनुपर्नेमा जोड दिएका थिए ।
नेपाली काङ्ग्रेस बाँकेका सभापति किरण कोइरालाले एकाध व्यक्तीले गर्ने व्यवहारका कारण राजनीतिक दललाई बदनाम गर्न नहुने भन्दै त्यस्ता व्यक्तीलाई पार्टीले संरक्षण नगर्ने प्रष्ट पार्नु भयो ।
नेकपा बाँकेका सचिव अशोक कोइरालाले व्यवस्थित क्वारेन्टाइन निर्माण, नरैनापुरमा आइसोलेशनसहितको अष्पताल सञ्चालन, विद्युतीकरण लगायत काममा पार्टीले गर्न सक्ने सहयोग गर्न तयार रहेको प्रतिवद्धता व्यक्त गर्नु भयो । कोरोना संक्रमण र उपचार बारे अफवाह नफैलाउन पनि उहाँले सबैमा अपील गर्नु भयो ।
राप्रपा बाँकेका अध्यक्ष नरेन्द्र पौडेलले उद्धार र उपचारमा बाधा पु¥याउन खोज्ने, समाजमा त्रास फैलाउने व्यक्ती राजनीतिक व्यक्ती हुन नसक्ने जीकीर गर्नु भयो ।
जनता समाजवादीका प्रतिनीधी कमरुद्धिन राईले नरैनापुरमा सेनासहितको स्वास्थ्यकर्मी परिचालन गर्नु पर्ने आवश्यक्ता औल्याउनु भयो । सम्भावित संक्रमित क्षेत्रको पहिचान गरेर कोरोना परिक्षणको व्यवस्था मीलाइनु पर्ने उहाँले सुझाउनु भयो ।
सम्वाद समूह, बाँकेले कोरोना रोकथाम नियन्त्रण लगायतका सवालमा सम्वाद सहजीकरण गर्दै आएको छ ।
Discussion about this post