बाँके जेठ १६ गते ।
रुकुम घटनाको बिरोधमा नेपालगन्जमा पनि प्रदर्शन गरिएको छ । धम्बोजीबाट सुरु भएको र्याली नगरका विभिन्न भागको परिक्रमा गरि जिल्ला प्रशासनमा पुगेर धर्ना दिएको थियो ।
२ घन्टा धर्नापछि सहायक प्रजिअलाई ज्ञापनपत्रसमेत बुझाइएको थियो । तर निषेधाज्ञाको समयमा प्रदर्शन गरिएकोमा भने आलोचना भएको छ । बाँकेका नयाँ सिडिओ आएलगत्तै निषेधाज्ञा जारी गरिएको थियो ।
धेरैले अनुमान लगायका थिए बाँकेमा लकडाउन कडा हुनेछ । केही त्यस्ता संकेत समेत देखा परेको थियो तर शुक्रबार रुकुममा भएको घटनाको बिषयलाई लिएर नेपालगन्जमा नारा जुलुस सहितको टोलिले जिल्ला प्रशासन कार्यालय अगाडी धर्ना दिएका छन् ।कोरोना भाइरसको जोखिम संगै बाँके प्रशासनले दोस्रो पटक निषेधाज्ञा जारी गरेको थियो ।
तर रुकुम घटनालाई लिएर नेपालगन्जमा प्रदर्शन हुदा भने बाँके प्रशासन मुखदर्शक बनेको आरोप लागेको छ ।जिल्ला प्रशासन कार्यालय बाँकेले १४ गते जारी गरेको निषेधाज्ञामा सबै प्रकारका भेला, सभा, सम्मेलन वा भिडभाड नगर्न भनेको थियो ।शुक्रवार रुकुममा भएको सामुहिक हत्या काण्डमा विषयमा बिभिन्न क्षेत्रले प्रदर्शन गरेका थिए ।
Discussion about this post