बाँके असार ४ गते ।
बुधबार कोरोना संक्रमणका कारण ज्यान गुमाएकी कैलाली लम्की चुहा नगरपालिका २ की ४३ वर्षिय महिलाको शवलाई बाँकेको ढकेरीस्थित सामुदायिक जङ्गलमा अन्तेष्टि गरीएको हो ।
नेपालगन्ज मेडिकल कलेज कोहलपुरमा उपचारका क्रममा ज्यान गुमाएकी कोरोना संक्रमित महिलाको बाँकेमै नेपाली सेनाको टोलिले सम्मानको साथ अन्तेष्टि गरेको छ। नेपाली सेनाको विशेष टोलीले महिलाको शवलाई सम्मानका साथ खाडल खनेर गाडेको बाँकेका प्रमुख जिल्ला अधिकारी रामबहादुर कुरुम्वाङले जानकारी दिएका छन् ।
२४ घण्टाको अन्तरालमा सोही अस्पतालमा कोरोना संक्रमणका कारण दोस्रो महिलाको ज्यान गएको हो । यसअघि असार २ गते बाँकेको बैजनाथ गाँउपालिकाकी एक महिलाको कोरोना संक्रमण्कै कारण ज्यान गएको थियो । उनको शवलाई नेपाली सेनाकै टोलीले बाँके-बर्दियाको सिमाना मानखोला नजिकैको जंगलमा लगेर अन्तेष्टि गरेको थियो ।
पछिल्लो समय बाँके जिल्लामा कोरोना सन्क्रमितको संख्या बडे सङ्गै मृत्युदर बड्दो क्रममा छ । अस्पतालमा आएका बिरामी मा मृत्यु पछि कोरोना देखिएका कारण अस्पताल वरिपरि त्रास छाएको छ ।
कोरोना थाह पाएको भए सतर्कता अपनाइन्थ्यो तर मृत्यु पछि कोरोना थाह हुनाले सर्ने सम्भावना बाढी भएको ले त्रास सिर्जना भएको नेपालगन्ज मेडिकल कलेज का एक कर्मचारीले बताएका छन् ।
Discussion about this post