संजु छतकुलि
बीरगञ्ज असार ४ गते ।
जिल्ला प्रहरी कार्यालय पर्साले अबैध रुपमा तस्करी गरी भारततर्फ लादै गरेको करिव १ हजार लिटर डिजल बरामद गरेको छ ।
प्रहरीले विशेष सूचनाको आधारमा जिल्ला प्रहरी कार्यालय पर्साबाट क्राईम ब्रान्चको प्रहरी निरीक्षक रबि यादबको नितृत्वमा खटिएको प्रहरीको टोलीले बुधबार राति अन्दाजी करिव ११ बजेको समयमा १ हजार लिटर डिजल, ट्याक्टर सहित एकजनालाई नियन्त्रणमा लिएको छ ।
प्रहरीले हिजो राति ११ बजे पर्सा जिल्लाको छिपहरमाई गा.पा.वडा नं. ३ जयमंगलापुर टोलको बाटो हुँदै नेपालबाट भारततर्फ अबैध रुपमा ना १ त ४५४३ नम्बरको ट्याक्टरमा लोडगरि डिजल लैजादै गरेको अवस्थामा सो ट्याक्टर चालक छिपहरमाई वडा नम्बर ३ निवासी बर्ष २३ को संतोष पटेललाई नियन्त्रणमा लिएको प्रहरी उपरीक्षक गंगा पन्तले बताइन् ।
प्रहरीले नियन्त्रणमा लिएको उक्त डिजल बजार मुल्य करिब ३ लाख ७३ हजार रुपैया रहेको प्रहरीले जनाएको छ ।
प्रहरीले नेपालबाट अबैध रुपमा बरामद गरेको उक्त डिजल पर्सा जिल्लाको छिपहरमाई गा.पा.वडा नं.३ जयमंगलापुर टोलको स्थित दशगजा क्षेत्र नजिकैबाट बरामद गरेको थियो ।
प्रहरीले बिशेष सूचनाको आधारमा सो डिजल र एक जना सहित नियन्त्रणमा लिई थप अनुसन्धान भईरहेको जिल्ला प्रहरी प्रमुख गंगा पन्तले बताइन् ।
Discussion about this post