कैलाली असार ५ गते ।
कैलालीको घोडाघोडि नगरपालिकामा प्रहरिले लकडाउनको मौका छोपि अबैध रुपमा जुवा खेल्दै गरेको अवस्थामा नगद सहित ब्यक्ति पक्राउ गरेको छ । जुवाको खालबाटै ८ लाख ९३ हजार ५० रुपैया नगद सहित सात जना जुवाडेलाई बिहिबार बेलुका पक्राउ गरेको हो ।
चार जना जुवाडे घरको छत बाट हाम फालेर भाग्न सफल भएका छन् । सुदूर पश्चिम प्रदेश प्रहरी अनुसन्धान ९ आरईटी० समुह र ईलाका प्रहरी कार्यालय सुखडको टोलीले उनिहरुलाई प्रकाउ गरेको हो ।
जिल्लाको घोडाघोडी नगरपालिका १ सुखडको करण थापाको घरमा तास खेल्दै गरेका धनगढी उपमहानगरपालिका ३ बिशालनगर बस्ने वर्ष ३८ का तुला राम अधिकारी, जानकी गाउँपालिका १ बस्ने वर्ष ३२ का कमल चौधरी, लम्कि चुहा नगरपालिका ४ बस्ने वर्ष ४० का नवल बुढा, टिकापुर नगरपालिका १ बस्ने वर्ष ४० का मोहन जोशी, बैतडी जिल्लाको पुर्चौडी नगरपालिका ८ बस्ने वर्ष ५० का कैलाश धामी, घोडाघोडी नगरपालिका १ बस्ने वर्ष ३३ का दिपेश ऐर र सोही वडामा बस्ने वर्ष ३२ का अक्कल शाहीलाई पक्राउ परेका हुन् ।
जुवाको खाल बाट ४ लाख ७ हजार ६ सय र ४ लाख ५ हजार ४ सय ५० रुपैयाँ व्यक्तिको पास बाट उनीहरूलाई पक्राउ परेका हुन् । कैलाश सिंह धामीको साथ बाट ४९ हजार ५ सय, अक्कल शाहीको साथ बाट २ लाख, बिक्रम बुढाको साथ बाट १ लाख, तुला राम अधिकारीको साथ बाट २० हजार, मोहन जोशीको साथ बाट ५९ हजार ४ सय, दिपेश ऐर ३३ हजार ३ सय र कमल चौधरीको साथ बाट २३ हजार २ सय ५० व्यक्तिको साथ बाट बरामद गरेको छ ।
बिशेष सूचनाको आधारमा उनिहरुलाई पक्राउ गर्न सफल भएको ईलाका प्रहरी कार्यालय सुख्खडले जनाएको छ । प्रकाउ परेका उनिहरुलाई जिल्ला चलान गरीएको ईलाका प्रहरी कार्यालय सुखडका प्रहरी निरिक्षक हरिशशरण भट्टले जानकारी दिए । भाग्न सफल भएकाहरुको खोजी कार्य जारी रहेको बताईएको छ ।
Discussion about this post