बाँके असार ७ गते ।
जनता समाजबादी पार्टीका नेता मोहम्मद इस्तियाक राईले एमसीसी नेपालको हितमा नभएको बताउनुभएको छ । सत्तारुढ दल नेपाल कम्युनिष्ट पार्टी नेकपा भित्र एमसीसी संशोधनसहित पास गर्नुपर्ने अडान रहेका बेला जनता समाजबादी पार्टीका सांसदबाट यस्तो भनाई बाहिर आएको हो ।
बाँके निर्बाचन क्षेत्र नम्बर २ का सांसद तथा पूर्वमन्त्री राईले देशलाई बन्दी बनाउने उद्देश्य बोकेको एमसीसी नेपालको कानून र संविधान भन्दा सर्वोपरि हुने अवस्थामा नचाहिने तर, संशोधनसहित राष्ट्रहितमा भए मात्र स्वीकार्य हुने बताउनुभयो । एमसीसीलाई लिएर सत्तारुढ दलमा नै तिव्र असन्तुष्टी बढिरहेको छ ।
प्रधानमन्त्री केपी शर्मा ओलीलगायतका केही नेताहरु एमसीसीको पक्षमा रहेका छन् भने अध्यक्ष पुष्पकमल दाहाल प्रचण्डसहित, नारायणकाजी श्रेष्ठ, भीम रावल, झलनाथ खनाल, माधव नेपाललगायतका नेताहरुले संशोधनसहित स्वीकार गर्न सकिने बताउनुभयो ।
Discussion about this post