एजेन्सी
चीन असार १० गते ।
कोरोनाको डरले पेन्गोलिन र अन्य दुर्लभ जनावरमाथि प्रतिबन्ध लगाएपछि चीनमा अब करिब डेढ फुट लामो ब्याम्बो र्याट्स मारिँदैछन् । चिनियाँ सरकारले देशमा जंगली जनावरको व्यापार गर्न र यसलाई खान प्रतिबन्ध लगाइदिएको छ । कोरोनाको संक्रमण फैलाउनमा यी मुसाले सघाउ पुर्याइरहेको भन्दै देशले यस्तो कदम उठाएको हो ।
यहाँको हुबेई प्रान्तको एउटा फार्ममा पहिलो खेपमा १.६ टन मुसा गाडेर मारेको भिडियो सार्वजनिक भएको छ । ब्याम्बो र्याट्स एक विशेष प्रकारको मोटा मुसा हुन् । यहाँका जनताले यो खाँदा विशेष रुमा शक्ति बढ्ने र यसमा अत्यधिक पोषक तत्व हुने मान्यता राख्छन् ।
चिनियाँ चिकित्सामा पनि यसलाई अत्यधिक मात्रामा प्रयोग गरिन्छ। चीनमा महामारीको केन्द्र हुबेई प्रान्तको शियानन शहरमा हालै ९ सय ब्याम्बो र्याट्स गाडिएको छ । यी मुसालाई स्थानीय किसानले पालिरहेका थिए । किसानबाट लिएर मुसा मारिँएको छ। मुसाबाहेक सातवटा दुम्सीलाई पनि मारियो जसको तौल १४० किलो थियो ।
मुसालाई मार्नुअघि संक्रमणको खतरा कम होस् भनेर यसमा लाइम पाउडर पनि छर्किइयो ।
बाँसको प्वालमा बस्छन् यी मुसाः
चिनियाँ ब्याम्बो र्याट्सलाई ‘झुसू’ को नामले पनि चिनिन्छ । यिनीहरु लामो र मोटा हुन्छन् । यिनीहरु जंगलमा भएका बाँसको प्वालमा आफ्नो घर बनाएर बस्छन् तसर्थ यिनीहरुको नाम ब्याम्बो र्याट रहन गयो । यसको तौल पाँच किलोसम्म हुन्छ । यिनीहरुको लम्बाई १७ इन्चसम्म हुन्छ ।
चिनियाँ औषधीमा प्रयोग हुन्छ ।
ब्याम्बो र्याटको प्रयोग चीनको परम्परागत चिकित्सामा हुन्छ । चिकित्सा पद्धतिको मान्यता अनुसार यी मुसाको मासु खाँदा शरीरबाट विषालु तत्व बाहिर निस्कने गर्छ । चिनियाँ किसानलाई यी मुसाको व्यापार गर्दा राम्रो कमाई हुनेगर्छ तसर्थ ग्रामिण क्षेत्रमा यसलाई अत्यधिक पाल्ने गरिन्छ ।
Discussion about this post