बाँके असार २० गते ।
नेपालगन्ज जेसीले शनिबार एक कार्यक्रम बीच भित्तेपात्रोको विमोचन गरेको छ । जेसीजको सचिवालयमा आयोजित औपचारिक कार्यक्रम बीच क्यालेण्डर विमोचन गरिएको हो ।
नेपालगन्ज जेसीजका अध्यक्ष प्रज्वल श्रेष्ठको अध्यक्षतामा भएको कार्यक्रममा प्रमुख अतिथि रहेका पूर्व अध्यक्ष तथा पूर्व राष्ट्रिय उपाध्यक्ष पूर्णलाल चुकेले भित्तेपात्राको विमोचन गरेका थिए ।
कार्यक्रममा प्रमुख अतिथि चुके, पूर्व अध्यक्ष मीना श्रेष्ठ, कार्यक्रम संयोजक रेशमलाल चापागाईं लगायतले बोलेका थिए ।
जेसीजको आस्था पाठ जुनियर जेसीका उपाध्यक्ष पूजा केसीले गरेको कार्यक्रममा नेपालगन्ज जेसीजका निवर्तमान अध्यक्ष रत्न काजी श्रेष्ठ, पूर्व अध्यक्षहरु मीना श्रेष्ठ, खड्ग बहादुर बोहरा, मोहम्मद आरिफ अन्सारी, विशाल बर्मा, जुनियर जेसीजका अध्यक्ष विमला श्रेष्ठ लगायतको सहभागिता रहेको थियो । कार्यक्रमको सञ्चालन महासचिव माधव वेल्वासेले गरेका थिए ।
Discussion about this post