बाँके असार २२ गते ।
बाँकेको खजुरास्थित किरण नालामा पुल बनेको छ । पुल बनेपछि स्थानीय हर्षित बनेका छन् ।उक्त पुलको सोमवार एक कार्यक्रमकाबीच खजुरा गाउँपालिका अध्यक्ष किस्मत कुमार कक्षपतिले उद्घाटन गर्नुभएको हो। खजुरा गाउँपालिका ४ किरण नालामा पुल बनेको छ ।
बेलनिया र खजुरा १ नम्बर जोड्ने किरण नालामा पल बनेपछि स्थानीयबासीलाई आउजाउमा सहज भएको छ । वर्षौं काठको जीर्ण पुलबाट जोखिम यात्रा गर्दै आइरहेका बेलनियाबासीका लागि ठूलो राहत मिलेको छ ।
गाउँपालिकाको अनुदान १६ लाख र जनश्रमदान ७४ हजार ५ सय ९५ रुपैयाँमा सो पुल निर्माण गरिएको हो । निर्माण गरिएको ट्रस पुलबाट त्यस क्षेत्रका करीब २ हजार ५ सय जनसंख्या लाभान्वित भएका छन् ।
स्थानीय चन्द्रकेशर विकको संयोजकत्वमा ट्रस पुल निर्माण उपभोक्ता समिति निर्माण भई पुलको निर्माण सम्पन्न गरिएको थियो ।
पुल उद्घाटन कार्यक्रममा खजुरा गाउँपालिका ४ का अध्यक्ष तिलकवीर सुनार, वडा सदस्य योगमाया खनाल, इन्जिनियर सोनु शाह, सब इन्जिनियर प्रकाश कठायत, उपभोक्ता समितिका सचिव टोपेन्द्र खत्री लगायतको सहभागिता रहेको थियो ।
Discussion about this post