अश्विन दानी
काठमाडौं साउन ५ गते ।
केहिदिनदेखि परेके अविरल बर्षाका कारण गएको पहिरोमा पुरिएर गोरखामा एक महिलाको मृत्यु भएको छ भने चार घर बगाएको छ ।
जिल्लाको गण्डकी गाउँपालिका वडा नम्बर ४ फुजेल स्थित कौदी गाउँकी ३६ बर्षिया लक्छीमायाँ गुरुङको घर माथीबाट आएको पहिरोले पुर्दा घटनास्थलमै मृत्युु भएको जिल्ला प्रहरी कार्यालय गोरखामा डिएसपी बासुदेव खतिवडाले जानकारी दिएका छन् ।‘आज दिउँसो करिब करिब साँढे १२ बजे गोठमा रहेका बाख्रालाई घाँस हाल्न जाँदा सो महिला सहित ९ वटा बाख्रा र गोठ पहिरोले पुरेको र महिलाको मृृत्यु भएको खबर प्राप्त भएको छ ।
त्यहाँ अहिले गाडी जान सक्ने अबस्था छैन । तरपनि ताङ्लीचोक चौकीबाट प्रहरी टोली घटनास्थल तर्फ जाँदै हुनुुहुुन्छ’ डिएसपी खतिवडाले भने ।यस्तै आरुघाट गाउँपालिका वडा नम्बर ४ मा पनि पहिरोले घर बगाएको खबर भर्खरै प्राप्त भएको डिएसपी खतिवडाले बताए । ‘त्यहाँ इप्रका आरुघाटको प्रहरी टोली जाँदै हुनुुहुुुन्छ ।
घटनाको थप विबरण भने आइसकेको छैन ।’ निरन्तर बर्षात र कच्ची सडकका कारण अहिलेसम्म प्रहरी घटनास्थलमा पुग्न सकेको छैन । तर, अविरल वर्षातको कारण गोरखा अजरिकोट गाउँपालकिा बगुवामा पहिरोले रामबहादुर मगरको घर बगाएको छ तर कुनै मानविय क्षति भने भएको छैन ।त्यसै गरी बारपाक सुलिकोट ४ नालपाङमा पनि पहिरोले २ घर बगाएको छ ।
कामी गुरुङ र उनको छोराको घर बगाएपछि उनीहरु अहिले सामुदायिक भवनको घरमा बसेका वडा अध्यक्ष भिमबहादुर गुरुङले बताएका छन् ।जिल्लाको मुख्य सडक अबरुद्ध गोरखा जिल्लाको मुुख्य सडक मानिने आबुखैरेनी—गोरखा सडकखण्डका विभिन्न स्थानमा पहिरो खस्दा यातायात आवागमन अवरुद्ध भएको छ ।
तीनकिलोमा स्थानीय भीमबहादुर मगरको घर र खानेपानीको रिजर्भ ट्याङ्की पहिरोले पुरेको छ । गोरखा नगरपालिका (१३ स्थित तीनकिलो, मजुवा, आठकिलोलगायतका विभिन्न स्थानमा गएको पहिरोका कारण सडक आवागमन ठप्प भएको जिल्ला प्रहरी कार्यालय गोरखाले जानकारी दिएको छ ।
अहिले केही स्थानमा डोजरले पहिरो पन्छाउने काम भइरहेको प्रहरीले जनाएको छ । तर, धेरै स्थानमा पहिरो खसेकाले सडक आवागमन तत्काल सुरु गर्न नसकिने देखिएको छ ।
Discussion about this post