बाँके साउन ६ गते ।
कोभिड–१९ को रोकथाम र सुरक्षाका लागि बाँकेको राप्तीसोनारी गाउँपालिकालाई निःशुल्क स्वास्थ्य सामाग्री प्रदान गरिएको छ । लुथरन वल्र्ड रिलिफको सहयोगमा व्याकवार्ड सोसाईटी एजुकेशन (बेस)ले कोभिड सुरक्षाका लागि ६ लाख ५२ हजार बराबरको आवश्यक स्वास्थ्य सामाग्री सहयोग गरेको हो ।
बेसका कार्यकारी निर्देशक चूर्णबहादुर चौधरीले सोमबार गाउँपालिकाको कार्यालयमा पुगेर गाउँपालिका प्रमुख लाहुराम थारुलाई स्वास्थ्य सामाग्री हस्तान्तरण गर्नु भएको हो ।
गाउँपालिकाको आवश्यक्ता र माग अनुसार नै स्वास्थ्य सामाग्री प्रदान गरिएको बेसका कार्यकारी निर्देशक चौधरीले जानकारी दिनु भयो । कोरोना भाइरस संक्रमणको रोकथाम र नियन्त्रणमा मद्यत पुगोस् भन्ने उद्येश्यले सहयोग गरिएको पनि चौधरीले स्पष्ट पार्नु भयो ।
सोलार प्यानल, सोलार टुवलर व्याट्री, बल्यांकेट, झुल, टावेल, वाटर फिल्टर, मन्जन, ब्रस, सेनीटाइजरी प्याड, साबुन लगायतका १५ प्रकारका सामाग्री प्रदान गरिएको हो ।
सामाग्री ग्रहण गर्दै राप्ती सोनारी गाउँपालिकाका प्रमुख चौधरीले सामाग्री सहयोगले कोरोना संक्रमण विरुद्ध लाग्न थप सहज र हौसला प्रदान गरेको भन्दै संस्थाप्रति कृतज्ञता प्रकट गर्नु भयो । बेसले यस अघि तुल्सीपुर र घोराही उपमहानगरपालिकालाई पनि सहयोग गरिसकेको छ ।
Discussion about this post