सरला सुबेदी
बाँके कार्तिक ९ गते ।
बाँकेको बैजनाथ गाउँपालिका वडा नम्बर ५ का सन्तवीर सुनारको च्याउ कुहिएर लाखौंको नोक्सान भएको छ ।
सुनारले साउन २० गते च्याउको बिउ राखेका थिए । वर्षा धेरै भएका कारण उनले राखेको च्याउ कुहिएको च्याउ कृषक सुनारले बताए । सुनारले च्याउ खेती गर्न थालेको ५ वर्ष भैसकेको छ । उनले ५ वर्षको अवधीमा च्याउ खेतीबाट राम्रै आम्दानी पनि गरेका छन् ।
सुनारले यस वर्षको च्याउबाट भने उनले नराम्रो घाटा वेहोर्नु परेको छ । च्याउ कुहिए पछि उनले लाखौको नोक्सानी वेहोर्नु परेको छ । करिब ८० हजार लगानी गरेका सन्तवीरले भने,–‘अहिलेसम्म यस्तो समस्या कहिले आएको थिएन । च्याउलाई ठिक्कको मौसम चाहिन्छ । यसपाली धेरै पानी प¥यो । त्यस कारण च्याउ कुहियो ।’ च्याउ खेतीबाट उनले अहिले एक लटमा एक/ दुई लाखसम्म आम्दानी गरिरहेका थिए ।
सुनारको परिवारले च्याउ खेती गर्दै जिवनयापन गरिरहेका छन् । उनले व्यवासायिक रुपमा करिब ५ वर्षदेखि च्याउको व्यवसायीक उत्पादन गर्दै आएका थिए । वर्षेनी च्याउखेती झाँगिदै जाँदा सुनारको परिवारको मुख्य आयस्रोतको बाटो नै च्याउखेती यसपाली कुहिएर जादा उनको मननै चिसो भएको छ ।
च्याउले पनि बजार पाईरहेको बेला लाखौंका च्याउ कुहिएर जादा आफ्नो मेहनत लगानी खेर गएको सुनारले दुखेसो गरे । यसपालिको च्याउ कुहिएपछि नयाँ परालबाट नयाँ च्याउ उत्पादन गर्ने उनले बताए ।
उनको च्याउ फर्ममा करिब एक सय वटा बल रहेका छन् । एउटा बलले साढे २ किलोसम्म च्याउ उत्पादन दिन्छ । सुनारका अनुसार यसपाली करिब ६० देखि ७० क्वीन्टल च्याउ कुहिएर नोक्सान भएको भएको छ ।
Discussion about this post