एजेन्सी
काठमाडौं कार्तिक २० गते ।
भारतीय क्रिकेट बोर्ड (बीसीसीआई) र रोहित शर्मा बीचको सम्बन्ध खासै राम्रो हुँदै गइरहेको छैन। बीसीसीआईले अष्ट्रेलिया भ्रमणको लागि चयन गरेको टोलीमा रोहितको नाम समावेश गरिएको छैन। यस बिषयमा बीसीसीआईले रोहितको चोटको कारण उद्धृत गर्दै उनलाई पूर्ण रूपमा निको हुन समय दिने भनेको छ।
मंगलवार हैदराबादको बिरुद्धको खेल खेल्दै रोहितले अब उनी पूर्णरुपमा ठीक रहेको स्पष्ट पारेका छन। उनले खेल पछि दिएका बयानमा यो पनि भनिएको छ “म मैदानमा फर्केपछि राम्रो अनुभव भईरहेको छ र मैले केहि खेलहरु खेल्नु छ र त्यसपछि हेरौ कस्तो हुन्छ। मेरो ह्यामस्ट्रिङ अब पूर्ण रूपमा ठीक भएको छ।” यस्तो अवस्थामा केही प्रश्नहरू उठ्न थालिसकेका छन् । जब रोहितले आफु पूर्णतया ठीक छु भनेका छन भने कसरी बीसीसीआईले उनलाई चोटको कारण देखाउदै टोलीबाट टाढा राख्न सक्छ ?
रोहित शर्मा भारतीय टोलीका एक प्रमुख खेलाडी हुन्। उनको तथ्याङकले यो तथ्यलाई प्रमाणित गरेको छ। भारतका लागि ३२ टेस्ट खेलेका रोहितले टेस्ट क्रिकेटमा २ हजार १ सय ४१ रन बनाएका छन। एकदिसीय क्रिकेटमा शानदार ब्याटिङ गरेका रोहितले २२४ एकदिवसीय खेलमा ९ हजार १ सय १५ रन पूरा गरिसकेका छन। यस बाहेक उनले १०८ टी–२० खेलहरूमा २ हजार ७ सय ७३ रन बनाएका छन ।
रोहितको प्रदर्शनलाई हेर्दा यो अनुमान लगाउन सकिन्छ कि उनी भारतीय टोलीको महत्वपूर्ण हिस्सा हुन तर फिट भएपनि उनलाई अष्ट्रेलियाली भ्रमणबाट टाढा राख्नुले ठूलो प्रश्न खडा गर्दछ। के यो रोहितलाई टोलीबाट हटाउने संकेत हो ? के उनी गौतम गम्भीर जस्तै बिना कारण टोलीबाट निकालिने छन ?
यो कुरा अचम्मको भने होइन किनकि यस्तो दृश्य भारतीय टोलीमा यसअघि पनि देखि सकिएको छ। यी उत्कृष्ट लयमा रहेका खेलाडी र भारतका स्टार ओपनर गम्भीर यसका उदाहरण हुन्। २००७ को टी–२० वर्ल्ड कपको फाइनलमा ७५ रनको पारी खेलेर भारतलाई पहिलो टी २० विश्वकप विजेता बनाउन गम्भीर ठूलो भूमिका खेलेका थिए। साथै २०११ को विश्वकप फाइनल जो कोहीले पनि बिर्सन सक्दैनन्।
उक्त खेलमा गौतम गम्भीरले टोलीको जीतमा ९७ रनको उत्कृष्ट इनिङ खेलेका थिए, तर त्यसको केही समय पछि गम्भीरको करियरको अन्त्य भयो। सन २०१२ मा अष्ट्रेलियामा भएको सीबी श्रृंखलाको लागि गम्भीरलाई टोलीमा स्थान दिइएन र त्यसपश्चात उनलाई पुनः कमब्याको लागि समान अवसर मात्र दिइयो। त्यसपछि उनलाई टोलीबाटै हटाइयो र यसरी गम्भीरको क्रिकेट करियर नै समाप्त भयो ।
Discussion about this post