चुनावमा जुट्न कार्यकर्ताहरुलाई सिके राउतको निर्देशन

बाँके माघ १७ गते ।
जनमत पार्टीका अध्यक्ष डा सिके राउतले पार्टीको अहिलेको मुख्य लक्ष्य भनेको चुनाव जित्नु रहेको बताउनुभएको छ । नेपालगन्जमा आयोजना भएको पार्टीको कार्यक्रमलाई सम्वोधन गर्दै उहाँले संसद भंग भएर मध्यवाती चुनावको घोषणा भइसकेकाले पार्टीको अवको अर्जुन दृष्टि चुनाव जित्नु हो भन्नुभयो ।

उहाँले प्रधानमन्त्री केपी शर्मा वलीले संसद विघटन गरेर बैशाख १७ र २७ गते निर्वाचनको घोषणा गरिसकेकाले त्यसको तयारीमा जुट्न कार्यकर्ताहरुलाई निर्देशन दिनुभयो । उहाँेले जनमत पार्टीेले देशको शान्ति र राजनीतिक स्थिरताका लागि काम गरेको भन्दै त्यसैअनुसार कार्यकर्ताहरुलाई अघि बढ्न पनि आग्रह गर्नुभयो ।

उहाँले पार्टीप्रति जिम्मेवार भएर लाग्नपनि कार्यकर्ताहरुलाई आग्रह गर्नुभयो । पाँच सयभन्दा बढी कार्यकर्ताहरुलाई प्रशिक्षण दिन आयोजित कार्यक्रमलाई सम्वोधन गर्दै उहाँले पार्टीको नीति र विधान अनुसार कार्यकर्ताहरु अनुशासित भएर लाग्न आग्रह गर्नुभयो ।

उहाँले पार्टी संगठनलाई विस्तार गर्न मातहतका नेता तथा कार्यकर्ताहरुलाई निर्देशन दिनुभयो । संगठन विस्तार गरेपछिमात्र पार्टीलाई बलियो बनाउन सकिन्छ भन्दै उहाँले जिल्ला तहका नेता तथा कार्यकर्ताहरुले त्यसतर्फ ध्यान दिनु पर्ने बताउनुभयो ।