बाँकेमा छुट्टाछुट्टै दुर्घटना : दुई जनाको ज्यान गयो

बाँके फागुन १८ गते ।
बाँकेका दुई स्थानमा भएको सवारी दुर्घटनामा २ जनाको ज्यान गएको छ । कोहलपुर र कुसुममा भएका दुई छुट्टाछुट्टै घटनामा उनिहरुको मृत्यु भएको हो । कोहलपुर नगरपालिका ३ किरणनाला नजिकै भे१ख २२३९ नम्बरको बसले ठक्कर दिदा सोही ठाँउका २५ वर्षिय बिरेन्द्र शाहीको मृत्यु भएको हो ।

भे१०प ५६१ नम्बरको मोटरसाईकलमा सवार शाहीलाई बसले ठक्कर दिएको थियो । शाहीको घटनास्थलमै मृत्यु भएको ईलाका प्रहरी कार्यालय कोहलपुरले जनाएको छ । पूर्वबाट पश्चिम जाँदै गरेको बस र पश्चिमबाट पूर्व आउँदै गरेको मोटरसाइक एकआपसमा ठोक्किएका थिए । दुर्घटनामा अन्य २ जना घाईते भएका छन । तिब्र गतिमा रहेको बसले मोटरसाईकलसँगै पैदलयात्री र साईकलमा सवार ब्यक्तिलाई समेत ठक्कर दिएको थियो ।

ठक्करबाट साईकलमा सवार बैजनाथ गाँउपालिका २ का २१ वर्षिय प्रदिप आचार्य र कोहलपुर नगरपालिका ३ का पैदलयात्री १९ वर्षिय प्रकाश महतरा घाईते भएका हुन । घाईतेमध्ये एकको अवस्था गम्भीर रहेको प्रहरीले जनाएको छ ।दुर्घटना गराउने बस र त्यसको चालकलाई नियन्त्रणमा लिईसकिएको प्रहरीले जनाएको छ ।यस्तै सोमबार बेलुका टिप्परको ठक्करबाट बाँकेको कुशुममा एक जनाले ज्यान गुमाएका थिए ।

मोटरसाईकलमा रहेको दाजुभाईलाई टिप्परले ठक्कर दिदाराप्तीसोनारी गाँउपालिका ५ बस्ने वर्ष २५ का ढकबहादुर खड्काको ज्यान गएको थियो भने उनका दाजु वर्ष ३५ का मान बहादुर खड्का गम्भीर घाईते भएका थिए ।त्यसैगरी दुर्घटनामा भे५प ३८८९ नम्बरको मोटरसाईलमा सवार ५१ वर्षिय संजय चन्द समेत घाईते भएका छन ।