बाँके चैत १३ गते ।
बाँके राप्तीसोनारी गाउँपालिकाका ३ सय बढीलाई नागरिकता बितरण गरिएको छ । जिल्ला प्रशासन कार्यालय बाँकेले विपन्न तथा असाहे नागरिकलाई लक्षित गरी नागरिकता शिविर मार्फत नागरिकता वितरण गरेको हो।बाँकेका प्रमुख जिल्ला अधिकारी रामबहादुर कुरुम्बाङ्गले सरकार र नागरिकबीचको सम्बन्ध प्रगाढ बनाउन नागरिक कै घरदैलोमा सेवा दिने उदेश्यले राप्तीसोनारी गाउपालिकासंगको सहकार्यमा नागरिकता शिविरको आयोजना गरिएको बताए ।
उनीहरुलाई घरदैलो मै नागरिकता दिन सकिने भएपनि राष्ट्रिय परिचयपत्रको फोटोसमेत खिच्ने कार्यलाई नेपालगञ्ज ल्याईएको प्रजिअ कुरुम्बाङ्गले जानकारी दिए ।जिल्ला प्रशासन कार्यालयबाट राप्तीसोनारी गाउपालिकाको वडा नं। ३, ४ र ५ मा नागरिकताको टोली खटाई ३ सय ७ जनाको सर्जिमिन मुचुल्का तयार गरी उनीहरुलाई गाउपालिकाले उपलब्ध गराएको बसबाट जिल्ला प्रशासन कार्यलय ल्याउने र लैजाने व्यवस्था गरिएको थियो भने दिवा खानाको व्यवस्था जिल्ला प्रशासनले गरेको राप्तीसोनारी गाउपालिका वडा नं। ४ का वडा अध्यक्ष कान्छा थारुले जानकारी दिए ।
विपन्नताको कारण नागरिकता बनाउन नसकेकी बैजापुरकी ६७ वर्षिया पार्वती थापाले प्रशासनले घरमै पुगेर नागरिकता बनाई दिएकोमा खुशी व्यक्त गरिन । बाँके प्रशासनले राप्तीसोनारीबाट बसमा ल्याएका सबैलाई नागरिकता जारी गरी दिवा खाना खुवाई सोही बसबाटै घर फिर्ता गरेको थियो ।
Discussion about this post