बाँके चैत १५ गते ।
अनलाइन पत्रकार संघ बाँकेको दोस्रो नियमित बैठक बसेको छ । संघका अध्यक्ष कमल न्यौपानेको अध्यक्षतामा बसेको बैठकले कोरोना संक्रमणको अबस्थामा हुने रगत अभावलाई ध्यानमा राखेर बैशाख पहिलो साता नयाँ बर्षको अवसरमा बृहत रक्तदान कार्यक्रम गर्ने लगायतका चारवटा महत्वपूर्ण निर्णय गरेको छ ।
रक्तदान कार्यक्रमका लागि संघका उपाध्यक्ष जावेद अन्सारीको संयोजकत्वमा भीष्म लोध र प्रेणा गिरी सदस्य रहेको तीन सदस्यीय रक्तदान कार्यक्रम उपसमिति गठन समेत गरेको छ ।
बाँके शाखालाई अनलाइन पत्रकार संघ नेपालको केन्द्रीय कमिटीले देशभरकै पहिलो जिल्ला शाखाका रूपमा अनुमोदन गरी मान्यता प्रदान गरेकोले बैठकले संघको केन्द्रीय समितिलाई धन्यवाद समेत दिएको छ ।
बैठकले बाँकेमा सन्चालन भैरहेका अनलाइनहरूलाई संघको सदस्यमा आबद्ध हुने आग्रह गर्ने र यसका लागि सामाजिक सन्जाल मार्फत सूचना सार्वजनिक गर्ने निर्णय पनि गरेको छ ।
अनलाइनलाइ संघमा आबद्ध गर्ने र अनलाइन पत्रकारिताको विकासका लागि संघले रक्तदान अघि बसने बैठकले तालिम सन्चालनका बिषयमा निर्णय गर्ने भएको छ ।
बैठकले यहि २५ गते हुने नेपाल पत्रकार महासंघको निर्वाचनमा अनलाइन पत्रकार संघ बाँकेका रहेका पदाधिकारी सदस्यले उम्मेदवारी दिए उसलाई हसयोग गर्ने सहमति पनि गरेको छ । संघको होली अनलाइन पत्रकार संघले दोस्रो पूर्ण बैठकपछि सहभागी संघका पदाधिकारी कार्य समिति सदस्य र आम सन्चारकर्मीका बिच होलि मनाएको छ ।
नेपालगन्जको रामलिला मैदानमा मनाइएको होलि कार्यक्रममा यहाँका दर्जनबढी सन्चारकर्मीसँगै दलका नेता, नागरिक समाजका प्रतिनिधी लगायतको सहभागतिा रहेको संघका सदस्य सचिव रामु ओली बताउँछन ।
Discussion about this post