बाँके चैत १६ गते ।
नेपाल पत्रकार महासंघ बाँकेको आगामी निर्वाचनमा चर्चित पत्रकार काशीराम शर्माले सचिव पदका लागि उम्मेदवारी घोषणा गरेका छन ।यही २५ गते हुने महासंघको निर्वाचनका लागि उनले अनलाइन पत्रकार संघ नेपाल बाँकेको होली मिलन कार्यमार्फत सचिव पदको उम्मेदवारी घोषणा गरेका हुन ।
मिडिया नेपालका केन्द्रीय सदस्य समेत रहेका शर्मा महासंघ बाँके शाखाका वर्तमान सहसचिव पनि हुन । उनले महासंघमा देखिएका गलत प्रवृतिको अन्त्य गर्न, महासंघलाई आर्थिक रुपमा पारदर्शी बनाउन, आम पत्रकारको साझा संस्थाका रुपमा स्थापित गर्न, विभिन्न बहानामा रोजगारी र पेशाबाट विस्थापित हुन बाध्य पारिएका सञ्चारकर्मीको हक, अधिकार र न्यायका लागि संघर्ष गर्ने उद्घोष गरेका छन ।
आगामी निर्वाचनमा साथ, सहयोग र अमूल्य मतको अपेक्षासहित श्रमजीवी पत्रकारको हकहितका लागि संघर्षरत आफनो यात्रामा निरन्तर कायम रहेने उनी बताउँछन । बाँके शाखाको निर्वाचनका लागि उममेदवारी घोषणा गर्ने पहिलो उम्मेदवार हुन । बाँकेको पत्रकारितामा सक्रिय सत्य, तथ्य निक्ष्पक्ष र निडर पत्रकारिता गर्दै आएका शर्माको सचिव पदको उम्मेदवारीले उनको जित सुनिश्चित भएको नेपालगन्जका सक्रिय पत्रकारहरू बताउँछन ।
महासंघमा सक्रिय पत्रकार जाने हो तसकर दलाल, चाकडीवाल, मास्टर, व्यवसायी पुलिस, दलका नेता र पाखण्डीहरू जाने होइन पत्रकार जानुपर्छ नेपालगन्जका एक सक्रिय पत्रकारले भने ‘काशी जि हरेक हिसाबले सचिवका लागि योग्य व्यक्ति हो । उहाँको जितका लागि आम सन्चारकर्मी एकजुट हुन जरूरी छ ।
Discussion about this post