बाँके चैत २१ गते ।
यही चैत २५ गते हुने नेपाल पत्रकार महासंघको निर्वाचनमा मुस्लिम समुदायको प्रतिनिधित्व गर्ने वरिष्ठ पत्रकार सिराजुद्दिन खान (सिराज खान) ले अल्पसंख्यक कोटाको केन्द्रिय सदस्य पदमा उम्मेदवारी दिनु भएको छ ।
विगत ३० वर्षदेखि निरन्तर पत्रकारिता पेशामा संक्रिय रहनु भएका पत्रकार खानले दुई लाख रुपियाँ नगदसहितको राष्टिय पत्रकारिता पुरस्कार र गोरखापत्रको उत्कृष्ट समाचारदाताको पुरस्कार लगायत दर्जन बढी सम्मान र पुरस्कार प्राप्त गरिसक्नु भएको छ ।
२०४५ सालमा नेपालीपत्र साप्ताहिक र जनमत अर्धसाप्ताहिकबाट पत्रकारिता शुरु गर्नुभएका खानले नेपालगञ्ज एक्सप्रेस, संकल्प साप्ताहिक, नशेमन साप्ताहिक, नेपालगञ्ज पोष्ट, सत्यपत्र दैनिक, नेपाली एक्सप्रेस र सदभाव दैनिकको सम्पादकका रुपमाा काम गरिसक्नु भएको छ सुरुची साप्ताहिक, जनस्वतन्त्रता साप्ताहिक, पुनर्जागरण साप्ताहिक, हिमालय टाइम्स दैनिक, नयाँ सडक दैनिक र कारोबार दैनिकमा संवाददाताका रुपमा काम गरेर पछिल्लो डेढ दसकदेखि गोरखापत्र दैनिकमा आवद्ध हुनुहुन्छ ।
उहाँले धेरै अनलाइनमा पनि काम गरिसक्नु भएको छ ।
अल्पसंख्यक कोटोको केन्द्रिय सदस्यमा उम्मेदवार बन्नु भएका खानले आफुलाई विजयी गराउन देशभरिका श्रमजिवि र कामदार पत्रकारहरुसंग आग्रह गर्नु भएको छ । उहाँ यस अघि नेपाल पत्रकार महासंघ बाँकेको दुई पटक उपाध्यक्ष्य र धेरै पटक केन्द्रिय पार्षद तथा जिल्ला कार्यसमिति सदस्य समेत रही सक्नु भएको छ ।
Discussion about this post