बाँके चैत २८ गते ।
बाँकेमा कटुवा पेस्तोलसहित तीन जनालाई पक्राउ परेका छ्न । उनिहरु कोहलपुरबाट प्रहरीको फन्दामा परेका हुन ।
इलाका प्रहरी कार्यालय, कोहलपुरका अनुसार, कोहलपुरको हाइस्कूल चोक नजिक पैदल हिडिरहेका दुई भारतीय र एक नेपालीको साथबाट कटुवा पेस्तोल र गोली बरामद भएको हो ।
कोहलपुरका डीएसपी रविन्द्र खनालले विशेष सूचनाका आधारमा जाँच गर्दा जिल्ला बहराइच बाबागञ्जका महताप्रसाद खटिक र नकछेद पाछी तथा कोहलपुरका सुरज लामिछानेलाई पक्राउ गरिएको बताउनुभयो ।
पेस्तोल खटिकले कम्मरमा लुकाएका थिए । प्रहरीले उनीहरुका बारेमा आवश्यक अनुसन्धान भइरहेको जनाएको छ ।
ADVERTISEMENT
Discussion about this post