बाँके असार ७ गते ।
नेपालगन्जको जमुनाह प्रहरी चौकीको इन्चार्जमा सन्तोष खनालले जिम्मेवारी सम्हालेका छन् । सई विष्णु गिरीको सरुवा भएपछि खनालले यसैसातादेखि जमुनाह नाकाको बागडोर सम्हालेका छन् ।
उनले जिम्मेवारी सम्हालेको हप्ता दिन नपुग्दै आफ्नो दायित्व र जिम्मेवारी विर्सन थालेका छन् । उनले नेम प्लेट हटाएर ड्युटी गराउन थालेको तथ्य फेला परेको छ । नाकाबाट हुने अवैध असुलीको सेटिङ मिलाइरहेका उनले नेमप्लेट नलाएर मातहतलाई ड्युटी गर्न पठाउने गरेका छन् । युनिफरम लगाएपनि उनले नेमप्लेट भने हटाउन लगाउने गरेको बताइन्छ ।
अवैध असुलीकाक्रममा आफ्ना नाम सार्वजनिक हुने डरले सई खनालले नेमप्लेट हटाउन लगाउने गरेको उनी निकट प्रहरीहरु बताउँछन्। मोटो रकमको सेटिङमा कम्दी प्रहरीको इन्चार्जबाटै सिधै जमुनाह प्रहरीको इन्चार्ज आएका उनले हप्तादिन नवित्दै सेटिङ मिलाउन थालेका छन् ।
बाँकेका एसपी ओम रानाले दुरुस्त पोषाकमा ड्युटी गर्नु पर्ने बताए । उनले नेमप्लेट अनिवार्य रहेको बताए । खनालको हिंजोआजको दिन कसरी सेटिङ मिलाएर पैसा कुम्ल्याउनेमा मात्रै केन्द्रीत हुने गरेको स्रोत बताउँछ । उनले रोजगारीको शिलशिलामा भारत जानेहरुबाट रुपैडियाँमा ट्राभल्ससँग सेटिङ मिलाएर पठाउने गरेका छन् ।
जस्का कारण नेपालीहरु नाकामा घण्टौं लाइन लाग्न बाध्य भएका छन् । पारीमात्र होइन वारी आएर विभिन्न जिल्ला पुग्ने नागरिकहरुसँग पनि प्रहरीको असुली धन्दा चलेको छ । विभिन्न समितिहरुबाट कमिशन उठाउने र त्यसको बोज नेपाली सोझासिधा नागरिकलाई पर्ने गरेको हो ।
Discussion about this post